Huawei və JAC tərəfindən hazırlanmış 5,5 metrlik lüks elektrik sedan Maestro S800 (Zunjie S800) bu ilin birinci rübündə ən çox danışılan avtomobillərdən birinə çevrilib. Huawei, olduqca cəlbedici görünən Maextro S800-ün marketinqinə rəqiblərini üstələdiyi ilə bağlı bir video yaradaraq ağıllı bir yanaşma tətbiq etmişdi. Bunlardan birində Maextro S800 Maybach-S680 ilə yan-yana sınaqdan keçirilməsi və ondan çox üstün olması ilə bağlıdır. Maextro S800-ün təsirli performans nümayiş etdirdiyi bu video təqdimat mərasimində nümayiş etdirildikdən sonra sosial mediada böyük səs-küy yaratmışdı. Bununla belə, bu video indi Huawei üçün baş ağrısına səbəb olub. Çünki, yeni ortaya çxıan məlumatlara görə Huawei Maybach ilə müqayisə videosunda Maybach-ın pis görünməsi üçün əlindən gələni edərək izləyiciləri aldadıb.
Huawei-nin ən böyük səhvlərindən biri Maybach-ı kənardan icarəyə götürməsi olub. Avtomobili icarəyə götürən Çin vətəndaşı avtomobilin son dərəcə bərbad vəziyyətdə ona qaytarılması zamanı şoka düşüb. Avtomobilin qabaq bamperi sınıb, təkərləri əyilib və təkərləri havası sönüb. Avtomobilinə nə baş verdiyini öyrənmək üçün GPS məlumatlarını yoxlayan avtomobil sahibi anlayıb ki, avtomobili əvvəlcə Pekinə gedib, oradan isə Monqolustana göndərilib. Monqolustandakı yer Huawei-nin Maextro S800-ün təqdimat videosunu çəkdiyi əraziyə tam uyğun gəlirdi. “Huawei”nin ona xəbər vermədən avtomobilini ekstremal testlərə məruz qoymasından əsəbiləşən avtomobil sahibi şikayətini əvvəlcə Huawei şirkətinə bildirsə də, heç bir nəticə əldə etməyib. Daha sonra o, video çəkərək sosial şəbəkədə paylaşaraq şikayətini ictimaiyyətə çatdırıb. Sınaq zamanı Maybach modelinin pis görünməsi üçün manipulyasiya edildiyi də bu münasibətlə məlum olub.
Maextro S800-ün təqdimat mərasimində göstərilən videoda Maybach-ın qarlı yolda təpəyə çıxa bilmədiyi, S800-ün isə problemsiz eyni təpəyə qalxdığı görülüb. Lakin zədələnmiş şəkildə çatdırılan Maybachdan alınan məlumatlar araşdırıldıqda məlum olub ki, Huawei sınaq zamanı Maybach-ın AWD (dörd təkərli) sistemini qəsdən söndürüb. Bundan əlavə, S800 qar təkərləri ilə təchiz edilsə də, Maybach sadəcə yay təkərlərinə sahib olub. Bundan əlavə, GPS məlumatları Maybachın hələ də təpənin üstündən keçdiyini və geri döndüyünü göstərir. Huawei isə videonun yalnız avtomobilin yolda ilişib qaldığı hissəsini kəsib.
