Alimlər xərçəng hüceyrələrinin 99%-ni məhv etmək potensialını göstərən yeni üsul hazırlayıblar. Bu kəşf xərçəngin müalicəsində perspektivli addım kimi qiymətləndirilir. Beləliklə, yeni bir araşdırmada, xərçəng hüceyrələrinin 99% -i titrəyici molekullar istifadə edərək məhv edilib.
Rays Universiteti, Texas A&M Universiteti və Texas Universitetinin alimləri xərçəng hüceyrələrini hədəf almaq üçün yeni üsul hazırlayıblar. Testlər aminocyanin molekullarının yaxın infraqırmızı işıqla stimullaşdıraraq xərçəng hüceyrələrinin 99%-ni məhv edə bildiyini ortaya çıxarıb. Bu yeni texnologiya aminosyanin molekullarından istifadə edərək xərçəng hüceyrələrinin membranlarını parçalayır. Əvvəllər xərçəng hüceyrələrini məhv etmək üçün istifadə edilən molekulyar maşınlarla, məsələn, Ferinqa tipli mühərriklərlə müqayisədə bu üsul çox daha sürətli və effektivdir. Tədqiqat qrupu, molekulyar “çəkiclər” adlandırdıqları yeni maşınların milyon dəfədən çox daha sürətli hərəkət etdiyini və görünən işıq əvəzinə yaxın infraqırmızı işıqla aktivləşdirilə biləcəyini bildirib.
Aminosyanin molekullarının biomühəndislikdə, xüsusilə də xərçəngin aşkarlanması üçün istifadə edilən sintetik boyalar olaraq bilindiyini bildirən alimlər, bu molekulların yaxın infraqırmızı işıqla titrəyərkən xərçəng hüceyrələrinə bağlandığını və onların membranlarını pozduğunu kəşf ediblər. Alimlər tərəfindən aparılan testlər laboratoriya şəraitində xərçəng hüceyrələrinin 99%-ni məhv etməyə imkan verib. Tədqiqat qrupu bildirib ki, bu kəşf xərçəngin müalicəsində yeni bir dövrün başlanğıcını qoya bilər, çünki xərçəng hüceyrələrinin bu mexanizmə təkamül yolu ilə müqavimət göstərməsi çətindir. Hazırda tədqiqatçılar bu yeni texnologiyanı müxtəlif molekullarla sınaqdan keçirməyi və onun müalicəvi potensialını daha da inkişaf etdirməyi planlaşdırırlar.
