NASA-nın Günəşi müşahidə etmək missiyası uğurla başa çatıb. NASA-nın “Parker Solar Probe” aparatı kosmosun tədqiqi tarixində yeni uğura imza atıb. Bir müddətdir planlaşdırılan missiya gerçəkləşdirilib və Günəşə insan tərəfindən yaradılan istənilən obyektin çata biləcəyi ən yaxın məsafəyə çatmağı bacarıb.
Saatda 692.000 km inanılmaz sürətlə hərəkət edən zond Günəşin səthindən cəmi 6,1 milyon km məsafəyə qədər yaxınlaşa bilib. Bu qeyri-adi missiya bəşəriyyətin Günəşlə bağlı əvvəllər məlum olmayan sirləri həll etməsinə töhfə vermək məqsədi daşıyır. NASA administratorunun elm üzrə müavini Dr. Nikki Foks bu qeyri-adi missiya ilə bağlı həyəcanını bu sözlərlə ifadə edib: “Günəşə çox yaxın uçaraq, Parker Solar Probe günəş küləyini birbaşa mənbəyində ölçə bilib. Bu, günəş küləyinin necə əmələ gəldiyini və Günəşdən gələn enerjili partlayışların mənşəyini anlamaqda mühüm rol oynayacaq. “
Parker Günəş Zondunun bu təsirli nailiyyəti 2018-ci ildə istifadəyə verildiyi vaxtdan bəri addım-addım qurulan uzunmüddətli prosesin nəticəsidir. Veneranın yaxınlığından keçən zond planetin cazibə qüvvəsindən istifadə edərək orbitini Günəşə yaxınlaşdırıb. Zond Günəşə çox yaxınlaşdığı üçün onunla əlaqə bir müddət kəsilib. Zond ilə yenidən əlaqə saxlanıb-saxlanılmayacağı isə 27 dekabrda məlum olacaq.
