Oxford universitetinin alimləri hazırladıqları yeni material ilə demək olar ki, istənilən məhsulu günəş panelinə çevirə bilir. Belə ki, bu yenilik günəş panellərinə olan ehtiyacı tamamilə azalda bilər. Ümumiyyətlə, günümüzdə artan enerji tələbi bu üsul ilə ödənilə biləcək.
Qeyd edək ki, Oxsford universitetinin Fizika fakültəsinə çalışan alimlər günəş enerjisi istehsalına inqilabi yanaşma tətbiq edirlər. Ənənəvi silikon əsaslı günəş panellərinə olan ehtiyacı azaldacaq bu ultra nazik elastik material, adi səthlərin belə enerji istehsal edə bilməsinə yol açır. Beləliklə, alimlər yeni material ilə istənilən məhsulu günəş paneli edərək günəş enerjisi istehsalında əhəmiyyətli inkişafa imza atıb. İşıq uducu perovskit təbəqələrinin üst-üstə yığılması ilə yaradılan bu yeni material, nazik və elastik quruluşu ilə binaların səthlərindən tutmuş kürək çantalarına, avtomobillərdən mobil telefonlara qədər demək olar ki, istənilən səthə tətbiq oluna bilir.
Alimlər tərəfindən hazırlanmış bu innovativ texnika ilə birləşən çoxsaylı işıq uducu təbəqələr, daha geniş işıq spektrini tutur və eyni miqdarda günəş işığından daha çox enerji istehsal etməyə imkan verir. AIST-in apardığı hesablamalar görə, bu yeni material 27 faizdən çox enerji səmərəliliyi təmin etməklə ənənəvi silikon fotovoltaiklərin performansına bərabər nəticə göstərir. Bu uğur çoxqatlı yanaşma ilə əldə edilən məhsuldarlığın cəmi beş il ərzində 6 faizdən 27 faizə yüksəlməsinə imkan verir. Oxford alimləri hesab edirlər ki, bu texnika sayəsində fotovoltaik qurğular 45 faizdən çox səmərəliliyə çata bilər.
