Beləliklə, ABŞ-ın Milwaukee şəhərində dünyanın ən hündür taxta göydələni inşa edilməsi ilə bağlı bütün planlar artıq hazırdır. Tam olaraq nə qədər hündürlüyə sahib olacağı bilinməyən 55 mərtəbəli taxta göydələnin layihəsi ABŞ-da icra olunacaq.
Şimali Amerikada müasir iri taxta binaların populyarlaşmasında böyük rol oynamış Michael Green Architecture (MGA) tərəfindən layihələndirilən taxta göydələn layihəsi reallaşarsa, o, dünyanın indiki ən hündür taxta binası olan Ascent-i böyük fərqlə ötəcək. Qeyd edək ki, Ascent sadəcə 25 mərtəbədən ibarətdir. Qismən yaşıllıqlarla örtüləcək və çoxsaylı terras sahələrini əhatə edəcək bina, 700 milyon dollarlıq böyük bir layihə çərçivəsində reallaşdırılacaq. Bir neçə mərhələdə planlaşdırılan layihəyə 750-yə qədər yaşayış yeri, 17,6 min kvadratmetr ofis sahəsi, 3,700 kvadratmetr ticarət sahəsi, 300 otel otağı, parkinq yerləri, canlı ictimai meydanlar və keçidlər daxildir.
Göydələnin dayanıqlılığı üçün hansısa betonun istifadə edilib-edilməyəcəyi barədə hələlik heç bir bildirilməyib. Lakin bu hündürlükdə binada betonun istifadə edilməsi heç də təəccüblü hesab olunmaz. Qeyd edək ki, dünyanın ən hündür tamamilə taxtadan ibarət binası Norveçdə olan Mjøstårnet binasıdır və onun hündürlüyü 85,4 m təşkil edir. Bir çox insanlar taxta göydələnin yanğın təhlükəsi səbəbindən riskli olduğunu düşünür. Bununla belə, müasir ağac materialları ənənəvi materiallardan olduqca fərqlənir.
