İyul ayında Çində elektromobil və plug-in hibrid modellərin satışları böyük bir mərhələyə çataraq ilk dəfə fosil yanacaq istifadə edən avtomobilləri ötüb. Beləliklə, son dövrlərdə dünyada öz elektromobilləri ilə məşhurlaşan Çin nəhayət yaşıl enerji tərəfində ilk məqsədlərindən birinə nail olmağı bacarıb.
Çin Sərnişin Avtomobil Assosiasiyasının məlumatlarına görə, Çin tərəfindən yeni enerji vasitələri (NEV) adlandırılan elektromobil və hibrid modellərin satışları iyul ayında fosil yanacaq istifadə edən digər avtomobilləri ötməyi bacarıb. Belə ki, iyul ayında illik bazada bu modellərin satışı 37% artaraq 50.7%-ə çatarq rekord qırıb. Bu, iyun ayı ilə müqayisədə NEV avtomobillərində 28,6%, tam elektriklə işləyən avtomobillərdə isə 14,4% artım deməkdir.
Üç il əvvəl elektriklə işləyən avtomobillərin satışda cəmi 7%-lik paya malik olduğu ölkədə dövlətin təşviqi və qiymətlərin düşməsi nəticəsində satışlarda inqilabi irəliləyiş müşahidə olunur. Qeyd edək ki, Çində 2024-cü ilin iyul ayında cəmi 1,73 milyon minik avtomobili satılıb ki, bu da illik müqayisədə 3,1% azalıb. avtomobil satışlarını artırmaq üçün Çin hökuməti iyulun sonunda elektrikli avtomobillər üçün təşviqləri 20 min yuana və ya təxminən 2800 dollara qədər artırıb. Bundan əlavə, NEV-lər 2024 və 2025-ci illərdə 30,000 yuana (4,175 ABŞ dolları) qədər satış vergisindən azaddırlar.
