Çinli alimlər 6G texnologiyasında istifadə ediləcək, terahertz dalğalarına məruz qalmağın beyin hüceyrələrinin artmasına təsir etdiyini aşkar ediblər. Xian Jiaotong Universitetində bir qrup tərəfindən aparılan araşdırmalar bu barədə gözlənilməz nəticə verib. Terahertz dalğası, gənc siçanları “daha ağıllı” etsə də, lakin yaşlı siçanlarda bu üsul heç bir təsir göstərməyib. Mütəxəssislər, test müddətində terahertz dalğalarına qısamüddətli, aşağı dozalı şüalanmaya məruz qalmasından sonra beyin neyronlarında böyümənin (inkişafın) sürətləndiyini müşahidə ediblər. Üstəlik beyin hüceyrələri böyüyən siçanlar daha sürətli öyrənmə bacarığı qazanıblar.
6G texnologiyasındakı dalğaların beyin üçün mənfi, yoxsa müsbət təsirinin olduğu anlaşılmaz müzakirə yaradır!
Siçanlar üzərindəki bu tədqiqat nəticəsi, 6G texnologiyasında da istifadə ediləcək Terahertz diapazonunda olan radio dalğalarının, insanların beyin hüceyrələrinin inkişafına müsbət təsir göstərə biləcəyi üçün detallı araşdırmaya alınıb. Alimlər 6G texnologiyasının beyin xəstəliklərinin diaqnoz olunmasına və yeni müalicə üsullarının inkişaf etdirilməsinə kömək olacağını bildiriblər.
Lakin Rusiya Elmlər Akademiyasının alimləri tərəfindən 2009-cu il də aparılan müşahidələrdə də daha fərqli bir fakt qeydə alınmışdı. Belə ki, 6G texnologiyasında istifadə ediləcək terahertz dalğalarına beynin bir neçə saat ərzində intensiv məruz qalmasının hüceyrələrin temperaturunun artmasına səbəb olurdu. Nəticədə hüceyrələr nəinki inkişaf etmişdi, susuzluq səviyyəsinin artması ilə kiçilmiş və başqa cür zərərlərlə qarşılaşmışdılar.
Pekinli tədqiqatçılar isə kəşfin beyin xəstəliklərinin diaqnoz olunmasına və yeni müalicə üsullarının inkişaf etdirilməsinə kömək olacağını bildirirlər. Onların fikrincə kiçik miqdarda olan Terahertz diapazonlu dalğalar elm üçün vacib tədqiq edilməli mövuzudur.
6G texnologiyası və Terahertz dalğalarının yaxından əlaqəsinə baxdıqda, bu diapazonunda olan radio dalğaları smartfonun ötürmə qabiliyyətini saniyədə 1 terabitə (Tbps) qədər artırır. 5G texnologiyasında istifadə edilən millimetrik MMW dalğa ilə müqayisədə Terahertz dalğalar daha yüksək tezliyə malikdir. Tədqiqatçıların qeyd etdiyinə görə 0,3 ilə 3 terahertz arasında dəyişən geniş tezlikli 100 mikrovatlıq gücündə dalğalara üç dəqiqə məruz qaldıqdan sonra, siçan neyronları 150% daha sürətli böyüyür.
2030-cu ilə qədər istifadəyə verilməsi gözlənilən 6G texnologiyasının sağlamlığa təsiri ilə bağlı araşdırmalar hələ ki, davam etdiriləcək. Mövzu barədə fikirlərinizi rəylərdə bizimlə bölüşə bilərsiniz.
