Yüksək səviyyəli çatbotlar vasitəsilə insana bənzər söhbətlər yaratmaqdan tutmuş gündəlik tapşırıqlarımızı avtomatlaşdırmağa qədər, süni intellekt şübhəsiz ki, bütün dünyada yeni addımlar atır. Bir çox işlərdə süni intellektin insanları əvəz etməsi ilə bağlı qarışıqlıq davam etsə də, onun heyranedici imkanlarının bəşəriyyətə kömək edə biləcəyinə də inanılır. İndi isə ağlınızdan keçənlərin şəklini çəkə bilən süni intellekt modeli hazırlanıb.
Düşüncələr insanların ayrılmaz hissəsidir. Ancaq heç kim öz arzularını, xəyal və düşüncələrini canlı təsvir etmək qabiliyyətinə malik deyil. Dünyadakı nevroloqlar zehni təsvirləri maddi bir şeyə çevirmək ilə mübarizə apararır. İndi isə görürük ki, yeni süni intellekt modeli artıq bunu bacarır. Bu yaxınlarda aparılan bir araşdırma göstərdi ki, süni intellekt beyin skanlarını oxuya və zehni görüntülərin real şərhini təmin edə bilər. Tədqiqat göstərir ki, AI alqoritmi beynin müxtəlif hissələrindən, məsələn, təsvirin qavranılmasında iştirak edən oksipital və temporal loblardan toplanan məlumatları emal edir.
Məlumata görə, yeni model 80% dəqiqliklə sinir fəaliyyətini oxumağı bacarır. Subyektlər tərəfindən baxılan şəkillərin yazılı və vizual təsvirlərini birləşdirən yeni metod sınaqdan keçirilib. Bununla da süni intellekt modeli düşüncələrin təkrar istehsalı prosesini əhəmiyyətli dərəcədə mümkünləşdirib. Bu proses bir neçə beyin skan seansı tələb edilir və nevroloqlar texnologiyanın tədqiqatdan kənar tətbiqlər üçün çox güman ki, uyğun olmadığını qeyd ediblər.
Yaponiyanın Osaka Universitetindən olan tədqiqatçılar Shinji Nishimoto və Yu Takagi bunu DALL-E 2 süni intellektində də yer alan Stabel Diffusion modeli hesabına ərsəyə gətirməyi bacarıblar. İkilinin sözlərinə görə, yeni süni intellekt modeli heyvanların ətrafdakı dünyanı necə qəbul etdiyini araşdırmaq, insanlarda yuxuları qeyd etmək və hətta insult keçirmiş insanlarla ünsiyyətə kömək etmək kimi çoxsaylı tətbiqlər təklif etmək potensialına malikdir. Stabel Diffusion alqoritminə əlavə edilən əlavə təlim Minnesota Universiteti tərəfindən təqdim edilən onlayn verilənlər bazasına əsaslanırdı. Məlumat seti hər biri 10.000 şəkilə baxan dörd iştirakçının beyin skanlarından ibarət idi. Bununla belə, iştirakçıların beyin skanlarının bəziləri təlimdə istifadə olunmayıb və daha sonra süni intellekt sistemini sınaqdan keçirmək üçün istifadə edilib.
