Elon Musk-ın Ostindən təxminən 35 mil (56 km) kənarda minlərlə hektar ərazi satın aldığı və işçilərinin yaşaması və işləməsi üçün öz şəhərciyini qurmağı planlaşdırdığı bildirilir. The Wall Street Journal xəbər verir ki, Elon Musk şəhəri “Kolorado çayı boyunca bir növ Texas utopiyası” kimi təsvir edib. Mask bu şəhərciyi yaratmaqla şəhərin bəzi qaydalarını özü müəyyən edə biləcək.
Maskın öz şirkət işçilərinə yerli bazar dəyərindən xeyli aşağı kirayə evlər təklif etmək istədiyi bildirilir. Hətta ötən ildən, iki və ya üç otaqlı evlər üçün Boring əməkdaşlarına təqribi 800 dollardan başlayan qiymətlərlə kirayət ev götürə bildikləri planlar həyata aktivləşdirilmişdi. Halbuki Bastrop, Texas ştatında ayda 2200 dollara qədər kirayə xərcləri arta bilir. Şəhərcikdə məktəb üçün də planlar var. Texasda belə bir layihənin həyata keçməsi üçün 201 sakinin birləşməsi status almaq üçün kifayət edir. Jurnalın hesabatında yer alan planlara görə, Snailbrook-un yerləşdiyi ərazidə daha 110 evin tikiləcəyi nəzərdə tutulur. Ona görə də layihə Elon Musk üçün çox da çətin olmayacaq.
Son üç ildə Musk, Ostinin ümumi ərazisində ən azı 1,416 hektar ərazi satın alıb. Jurnaldakı bəzi məlumatlara görə Elon Musk hətta 2,630 hektar əraziyə də əlavə olaraq nəzarət edir. Mask ilk dəfə iki il əvvəl Kaliforniyanı tərk edərək Texasa getmişdi və oranı“həddindən artıq tənzimləmə, həddindən artıq nəzarət, həddindən artıq vergi” bölgəsi kimi təsvir etmişdi.
Elon Musk öz şəhərini qurarsa, o, şəhər sahibi olan yeganə Texaslı milyarder olmayacaq. Dallas Mavericks-in sahibi Mark Kuban 2021-ci ildə Texasın bütün Mustanq şəhərini açıqlanmayan bir məbləğə satın alıb. Şəhər 2017-ci ildən satışa çıxarılıb və ilkin qiymət 4 milyon dollar olub. Sonda 2 milyon dollara düşdü, amma yenə də alıcı tapa bilmədi.
