FAW və Toyota birgə müəssisəsi tərəfindən istehsal olunan Toyota bZ3 elektrik sedanı, nəhayət satışa çıxarılıb. Keçən ilin oktyabrında rəsmi olaraq təqdim edilən elektromobilin qiyməti təxminən 24,350 dollardan başlayır. Elektromobil ölkədə yerli istehsal olan Tesla Model 3 elektromobilindən təxminən üçdə biri qədər ucuzdur.
Qeyd edək ki, Toyota bZ3 xüsusi olaraq elektrikli avtomobillər üçün nəzərdə tutulmuş və 2021-ci ildən Toyota bZ4X və Subaru Solterra SUV modellərində istifadə olunan e-TNGA platformasında qurulub. Eyni zamanda girişdə də qeyd etdiyimiz kimi FAW Toyota və BYD ilə birgə qurulan BYD Toyota EV Technology (BTET) tərəfindən hazırlanıb.
Elektrik sedanının uzunluğu 4725 mm, eni 1835 mm, hündürlüyü 1475 mm və təkər bazası 2880 mm olduğundan vizuallıq cəhətdən çox yaxşı görünür. Elektromobilin iki mühərrikli versiyası və ya 4 ötürücülü variantı mövcud deyil. Bunun əvəzinə ön tərəfə quraşdırılmış mühərrik bloku ön təkərlərin hərəkətini təmin edir.
Toyota bZ3 ilkin olaraq cəmi 245 at qüvvəsi və 303 Nm fırlanma anı təmin edən mühərriklə təklif olunacaq. Batareya paketi BYD istehsalı litium-dəmir-fosfat tərkibli 49.92 kVts və ya 65.26 kVts olan 2 fərqli variantda qarşımıza çıxacaq. Batareyanın həcmindən asılı olaraq 517-616 km məsafə qət edə biləcək .
Qeyd edək ki, sürətli enerji doldurma rejimi ilə avtomobildəki batereya 27 dəqiqə ərzində 30-60% aralığında şarj ola bilir. Daha ucuz qiymətə satılacaq elektrik sedanın 184 at gücünə malik variantı daha sonra satışa çıxarılacaq. İlk Toyota və BYD ilə birgə hazırlanmış Toyota bZ3 artıq satışdadır.
