Xiaomi smartfon və ya noutbuk kimi cihazlara yerləşdirilə bilən yalan detektoru-nu patentləşdirib. Şirkətin bu istiqamətdəki işi Çin mətbuatında öz əksini tapmış maraqlı patent sənədi sayəsində ortaya çıxıb. Poliqraf 1921-ci ildə icad edilmişdir. Hansı ki, bir insanın ona bağlanaraq yalan danışdığını müəyyən etmək üçün istifadə olunur. Sözügedən cihaz bədəndəki qan təzyiqi və ürək döyüntüsünün artması kimi fizioloji dəyişiklikləri ölçərək stress səviyyəsini təyin edə bilir.
Bununla belə, Xiaomi şirkətinin yeni patenti, kiminsə yalan söylədiyini aşkar etmək üçün yalan detektoru cihazı hazırlamağı planlaşdırdığını göstərir. Bildiyimiz kimi yalan danışan insanın ürəyi daha sürətli döyünür, daha tez göz qırpır vö göz bəbəkləri genişlənir. Xiaomi tərəfindən patentləşdirilmiş texnologiya bu parametrlərin son ikisindən istifadə edir. Bir sözlə sistem digər insanın gözünə fokuslanacaq .
Şirkət istifadəçinin üzünü və göz bəbəklərini izləyən telefoto obyektivli xüsusi kamera hazırlayıb. Kameraya inteqrasiya olunmuş alqoritmlər insanın davranışını izləyəcək. Tutaq ki, əgər cavab zamanı göz bəbəyi normal ölçüsünün 4-8%-nə qədər genişlənirsə və ya iştirakçı 8 dəfə tez-tez gözünü qırpmağa başlayırsa , bu onun yalan danışdığını göstərir. Kameranın süni intellekti bəbəyin genişlənməsinin stressdən, yoxsa yalandan qaynaqlandığını müəyyən edə biləcək. Xiaomi patenti artıq təsdiqlənib, lakin şirkətin texnologiyadan hansı cihazlarda istifadə etmək niyyətində olduğu bəlli deyil. Şirkət həmçinin yalan detektoru-nu ayrıca bir məhsul kimi də satışa çıxara bilər.
