BYD brendi Mercedes və BMW kimi yüksək səviyyəli SUV istehsal edən brendlərlə rəqabət aparmaq üçün YangWang U8 təqdim edib. YangWang U8 modeli 100% elektrikli və lüks yolsuzluq avtomobili kimi çıxış edir. Dizaynı ilə çox aqresiv bir görünüş təqdim edən elektrikli yolsuzluq avtomobilinə dörd elektrik mühərriki və yolsuzluqda sürmə qabiliyyətinə kömək edən xüsusi texnologiyalar quraşdırılıb. Elektromobilin eksteryerindəki detalları nəzərə almasaq, ümumi görünüş kimi Land Rover Defender dizaynından ilham alındığını görmək mümkündür. Lakin elektromobil olduqca maraqlı innovativ texnologiyaları ilə olduqca diqqət çəkir. Təsəvvür edin ki, bu elektromobil suda üzə, 1 partlayan təkərlə 120 km/s sürətlə hərəkət edə, yerində 360 dərəcə fırlana bilər.
YangWang U8 yolsuzluq avtomobili kimi müəyyən edilsə də işıqlandırılmış ön “radiator barmaqlıqları” elektromobilə yolsuzluqdan daha çox dəbdəbəli bir cizgi qatıb. Bundan əlavə, radiator barmaqlığı ilə bütöv görünən LED işıqlandırma elektrikli SUV modelinə fərqli atmosfer yaradır. 20 düymlük təkər diskləri, gizli qapı tutacaqları, səkkizbucaqlı ehtiyat təkər qapağı və LED arxa fənərlər U8 modelinin dizayn detalları arasındadır.
Sözügedən modeldə BYD-nin istifadə batareya paketi barəsində dəqiq bir informasiya yoxdur, lakin tutum və təxmin edilən gediş məsafəsi cəhətdən Çinli mənbələr ~800 Km ortalama yürüyüş məsafəsi təxmin edirlər. U8 elektromobili həmçinin dörd mühərrik sistemi üçün hazırlanmış “Yisifang” platformasına malikdir.
U8 modelində 4 elektrik mühərriki olduğunu vurğulamaq lazımdır. Hər bir mühərrik 295 at qüvvəsi və 420 Nm fırlanma anı hasil edir. Şirkətin verdiyi məlumata görə, elektrik yolsuzluq avtomobili cəmi 1100 at gücü verir. Beləliklə, bu böyük və ağır yolsuzluq avtomobili 0-100 km/s sürətlənməni cəmi 3 saniyəyə tamamlayır. Eyni zamanda elektromobillər üçün yeni trendə çevrilən yerində 360 dərəcə fırlanma xüsusiyyətini dəstəkləyir. Hətta bundan əlavə IP68 sertifikatı ilə suya və toza qarşı dayanıqlılıq əldə edən elektromobil, suda təkərlər yerlə tam təmas etməsə belə üzə bilər. Yisifang adlanan texnologiyanın bir parçası elektromobilin salonu və bütün konstruksiya elementlərini sudan qoruyur. Təkərlərin güc ötürməsi ayrı-ayrı tənzimlənə bildiyi kimi, havası da ayrılıqda adaptiv olaraq elektromobil tərəfindən ekstremal hallarda dəyişdirilə bilər.
Qiyməti ilə bağlı hələlik, heç bir məlumat yoxdur, lakin bəzi məlumatlara görə, U8 modelinin qiyməti təxminən 1 milyon yuan olacaq. Bu da təxminən 250 min Azərbaycan manatına bərabərdir. Belə bir qiymətlə, belə bir elektromobilin nə qədər uğurlu olacağı isə sual altındadır. İnteryer görüntüləri isə BYD tərəfindən nümayiş etdirilməyib. Nəticə etibarilə premium yolsuzluq avtomobili görünüşlü bu model “modern tank” olaraq adlandırılır.
