Lada şirkətinin sahibi olan Rusiyanın avtomobil nəhəngi AvtoVAZ, müharibə dövründəki sanksiyalar səbəbi ilə çətin bir dövr keçirir. Lakin şirkət ən azından Rusiya bazarında öz mövqeyini qorumağa çalışır. Rusiyanın ən çox satılan avtomobili olan Lada Vesta modelinin istehsalına yaxın vaxtlarda yenidən başlayan şirkət, eyni zamanda tamamilə elektriklə işləyən avtomobili olan e-Largus modeli üzərində də işlərə başlayıb.
Hələlik prototip mərhələsində yeni Lada e-Largus hal-hazırda satışda olan Largus-un elektriklə işləyən versiyası hesab edilir. Avtomobilin dizaynı sizə tanış gəlirsə yanılmırsınız. Çünki, bu model əslində üzərinə Dacia Logan MCV ilə eyni platformanı bölüşür. Dacia Logan MCV ilə müqayisədə ön tərəfdə şirkətin yeni X temalı dizayn konseptini əks etdirən dəyişikliklər olacaq. Bundan əlavə, qapılar, yan güzgü qapaqları və tavan kimi müxtəlif yerlərdə mavi rəngli detallar istifadə olunacağı göstərilib. Lakin Lada konsept dizaynerlərinin soldakı güzgünü rəngləyib, sağdakı güzgünü rəngləməməsi də ən maraqlı nüansdır.
Lada e-Largus modelinin 5 və 7 yerlik sərnişin versiyaları ilə yanaşı, yük daşımaq üçün furqon versiyası da olacaq. Platforma əvvəlcə daxili yanma mühərrikli avtomobillər üçün işlənib hazırlandığından, batareya mərkəzi tunelinə və arxa oturacaqların altında yerləşdirilib. Elektrik mühərriki və digər komponentlər ön kapotun altında toplanıb. Qeyd etmək lazımdır ki, e-Largus öndən ötürməli elektrik avtomobilidir.
Texniki təfərrüatlar hələlik məlum deyil, lakin yerli media 250 kilometr yürüyüş məsafəsindən bəhs edir. Bundan əlavə, avtomobilə əlavə edilmiş CCS portu vasitəsilə DC sürətli şarj dəstəyinin olduğu bildirilir. Sözügedən model gələn il istehsala girəcək. Digər tərəfdən, Lada Largus modelinin daxili yanma mühərrikli versiyasının istehsalı davam etdiriləcək. Bu barədə düşüncələrinizi bizimlə paylaşmağı unutmayın! Avtomobil çox güman Azərbaycana gələ bilər. Siz bu maşını alardınızmı?
