Çinin hakim partiyalarından olan Çin Kommunist Partiyasının (CCP) insanları izləmək üçün yeni texnologiyaya əl atdığı iddia edilir. Məlum olub ki, Çin alimləri insanların üz ifadələrini və beyin dalğalarını “fikir və siyasi mövqe” üçün təhlil edə bilən süni intellekt sistemi hazırlayıblar.
Çin dövlətinə bağlı Milli Elm Mərkəzi hökumətin insanları idarə etmək imkanlarını təkmilləşdirəcək süni intellekt üzərində işlədiyini bildirir. Çin Kommunist Partiyasına sədaqəti ölçməyi hədəfləyən bu süni intellekt müzakirə mövzusuna çevrilib. Məqalədə verilən məlumata görə, Çinin yeni texnologiyası “hakimiyyətə inamı və partiyaya minnətdarlığını ölçmək, Çin prezidenti Xi Jinping-i dinləmək və izləmək əzmini gücləndirmək üçün istifadə olunacaq”. Lakin Çin vətəndaşlarının mənfi reaksiya verdikdə isə rəsmi məqalə nəşrdən çıxarılıb.
Çinli mütəxəssislərinin hazırladığı süni intellekt sisteminin tam olaraq necə işlədiyi bəlli olmasa da insanların üz ifadələrindən və beyin dalğalarından istifadə edildiyi bildirilib. Bu proqram təminatı ilə partiya üzvlərinin siyasi maarifləndirilməsinin təkmilləşdirilə biləcəyi də diqqətə çatdırılıb. Bir tərəfdən AI, partiya üzvlərinin düşüncə və siyasi təhsili necə qəbul etdiyini qiymətləndirə bilər. Digər tərəfdən, düşüncə və siyasət təhsilinin inkişaf etdirilməsi və zənginləşdirilməsi üçün real məlumatlar verəcəkdir.
Ancaq süni intellektlə bağlı narahatlıq doğuran ilk xəbər bu deyil. Daha əvvəl də Çinin “beyin idarəsi silahları” başlığı altında biotexnoloji silahlarla Çin ordusunu təkmilləşdirdiyi iddia edilirdi. Hətta ötən ilin sonlarına təsadüf edən bu fakt da insan hüquqları cəhətdən yaxşı səs gətirməyi bacarmışdı.
