Ötən il yeni adının Meta olduğunu açıqlayan Facebook, metaverse platformasını da təqdim etmişdi. Facebook qurucusu Mark Zukerberq tez-tez robota bənzər meta modelə sahib olduğu üçün ələ salınırdı. Belə ki, Meta şirkətinin və Metaverse layihəsinin qurucusunun belə 3D modelə sahib olması hərkəsdə gülünc hissi oyadırdı. Keçən ay Pittsburqda bir laboratoriyaya baş çəkən Zukerberq, onu hər tərəfdən çəkən yüksək dəqiqlikli kameralar ilə belə öz modelinin yüksək keyfiyyətli və özünə daha çox bənzəyən variantının yaradılmasında çətinlik çəkmişdi.
Mark Zukerberq-in Metaverse planı istənildiyi kimi irəliləmir
Metaverse-də siz artıq sadəcə kompüterə baxmırsınız, özünüzü onun içində yaşayırmış kimi hiss etməlisiniz. Zəngin animasiya və realist 3D formatı sayəsində, siz real kainatda mövcud olan hər şeyi əhatə edən virtual kainatda öz varlığınızı davam etdirməlisiniz. İnsanlar Metaverse-də öz istəklərinə uyğun dizayn edə bildikləri avatarlar kimi görünürlər. Lakin Mark Zukerberq-in virtual dünyası, real dünya tərəfindən heç də yaxşı qarşılanmır.
Son 14 ayda əvvəllər Facebook adlanan Meta səhmlərinin qiyməti təxminən 60% ucuzlaşaraq, bazar dəyərinin 600 milyard dollarını itirib. Düzdür, şirkətin sərvəti hələ də təxminən 400 milyard dollardır. Lakin bu çöküş o deməkdir ki, Zukerberqin şəxsi sərvəti yanvar ayından bu yana 76 milyard dollardan çox azalıb. Beləliklə artıq dünyanın ən zəngin 20 adamı siyahısında olmayacaq. Bu çöküşün əsas səbəbləri, qismən azalan reklam gəlirləri və texnoloji sənayedəki ümumi problemlər kimi qeyd olunur. Lakin getdikcə daha aydın olur ki, Zukerberq-in Metaverse virtual reallıq aləminə olan həvəsi şirkətin çöküşündə böyük rol oynayır.
Sosial mediadakı istehzalar Zukerberqi, Metaverse-ə on milyardlarla sərmayə qoyaraq onu yenidən qurmağa tələsməyə vadar edib. İnsayder iddia edib ki, son versiya seçilməzdən əvvəl Zukerberqin üzünün 40 versiyası hazırlanıb. Bununla belə, Meta CEO-nun ikinci avatarı da bezdirici görünürdü. Bu səbəbdən ötrü, Meta keçən həftə üçüncü Zukerberq avatarını təqdim etdi. Bununla belə görünən odur ki, Zukerberq şirkətinin sərvət istirməsinə baxmayaraq Metaverse sahəsi üzrə yeniliklər etməyə davam edəcək.
