Google rəhbərliyinin, süni intellekt tədqiqat laboratoriyası OpenAI tərəfindən yaradılmış ChatGPT eksperimental söhbət “botunun” buraxılması fonunda şirkətin axtarış motoru üçün “qırmızı kod” yayımladığı bildirilib. Bu qırmızı kodun səbəbi süni intellekt əsaslı botun Google şirkətinə qarşı potensial rəqib kimi görünməyə başlamasıdır.Belə ki, istifadəyə buraxıldıqdan sonra potensial olaraq bir neçə saniyədə məlumatı insana çatdırmağa və hətta suallara insana bənzər cavabvermə və anlama qabiliyyəti ilə ChatGPT, axtarış sistemi nəhənginin diqqət mərkəzindədir. Bütün bunlara səbəb isə bu tip süni intellekt sistemlərinin Google şirkətinə aid ənənəvi axtarış sistemini ChatGPT kimi süni intellektlərin əvəzləmə təhlükəsidir.
Google şirkəti ChatGPT kimi sistemlərin ənənəvi axtarış sistemlərinə zərbə vuracağını düşünür
The New York Times xəbər verib ki, süni intellekt mütəxəssisləri söhbət botları tipli süni intellektləri hələ tam təkmilləşdirməmiş olsalar da, Google rəhbərliyi artıq ChatGPT istifadəyə verilməsinin ardıyca qırmızı kod elan edib.
Google şirkətinin rəhbəri Sundar Pichai, şirkətdəki bir neçə qrupa ChatGPT modelinin şirkətin axtarış mühərriki biznesinə yarada biləcəyi təhlükələri aradan qaldırmaq üçün səylərini artdırmağı əmr etdiyi bildirilir. Qəribə olan bir şey var ki, Google şirkətinin özü də bənzər dil modellərin yaradılması ilə məşğul şirkətlər arasındadır. Lakin keçən il Google, gəlirinin 80 faizindən çoxunu rəqəmsal reklamlardan əldə etdiyinə görə şirkət nəinki GPT, rəqib kimi özünün platforması olan LaMDA və ya digər dil modellərinin tətbiqindən çəkinməyə başlayıb.
Digər bir tərəfdən Google şirkətini qorxudan şey ChatGPT süni intellektinin işləmə alqoritmləri ola bilər. Nəticələri göstərmək üçün açar söz uyğunluğundan istifadə edən adi axtarış sistemlərindən fərqli olaraq, bu süni intellekt əsaslı dil modeli istifadəçilərin sorğularını başa düşmək üçün qabaqcıl alqoritmlərdən və birbaşa süni intellektdən istifadə edir. Verdiyiniz suala cavab aldığınız cavabı 2021-ci ilə qədər olan kitab, məqalə və vebsaytlardan işləyərək ən doğru cavabı anlaşılan formada çıxarmağı bacarır.
