Şirkət ChatGPT çat botunun məlumatlarının böyük verilənlər bazasını yaratmaq və inkişaf etdirmək üçün 10.000 Nvidia qrafik kartından istifadə edib. ChatGPT çatbotu artan populyarlığı ilə Microsoft kimi texnologiya nəhəngləri onu öz xidmətlərinə inteqrasiya etməyə can atır. Aramızda olan oyun həvəskarları isə yəqin ki, bu xəbəri oxuyub pis olacaqlar. Çünki, tezliklə GPU almaq istəyən insanlar üçün yaxşı olmayan xəbər verəcəyik. Kripto-mədənçilikdən gələn yüksək tələbin olduğu zamanlar qrafik kartı çatışmazlığını böyük bir ehtimalla xatırlayırsınız. İndi də şirkətlər süni intellekti “kəşf etdikdən sonra” bundan maksimum yararlanmaq üçün yüksək sayda GPU tələb etməyə başlayıblar. Bu çatışmazlıq problemi isə ən çox Nvidia qrafik kartlarının satışlarına təsir edəcək. Çünki, şirkət hal-hazırda bazarda ən qabaqcıl AI nüvələrinə malikdir.
AMD və Intel kimi digər şirkətlər bazardakı yüksək tələbatı və potensial mənfəətini görsələr, süni intellekt sahəsindən əlavə bazardakı boşluq üçün Nvidia ilə uyğunlaşmağı daha da sürətləndirməli olacaqlar. Oyunçular üçün Nvidia qrafik kartların potensial çatışmazlığı insanları AMD qrafik kartlarına sövq edə bilər. Yaxın gələcəkdə qrafik kartlara tələbin inanılmaz dərəcədə yüksək səviyyəyə çatacağını demək yalan olmaz. Lakin tələbin nə qədər artacağını və AI modellərini öyrətmək üçün lazım olan qrafik kartlara tələbin artan tempinin necə sonlacağını aydın bilmirik. Yuxarıda qeyd edildiyi kimi, kriptovalyuta məkanında “mədənçilik” sahəsinin üzərindən çox keçməmiş indi də qrafik kart çatışmazlığının səbəbinin ChatGPT bənzəri süni intellekt sistemlərini olduğunu düşünsək işimiz xeyli çətin olacaq.
