Bu günlərdə beyin çipləri və ya beyin implantları mövzusu texnologiya sahəsinin gündəmindəki əsas mövzulardan biridir. Bir çox insan bu çiplərin insanlara zərər verə biləcəyini, hətta onların hislərinin idarə oluna biləcəyini iddia etsə də, bəziləri bu çiplərin texnologiya sahəsindəki ən böyük yeniliklərdən biri olduğuna inanır. BMT isə neyrotexnologiya sahəsinin əvəzsiz yeniliyi hesab olunan süni intellekt əsaslı beyin çipləri barədə xəbərdarlıq edir. UNESCO kimi qurumlar isə bildirir ki, bu çiplər insanın əqli proseslərinə təsir göstərə, hətta onları poza bilər.
Ümumiyyətlə süni intellekt əsaslı beyin çipləri son dövrlərdə ortaya çıxıb. Lakin buna baxmayaraq bir çox təşkilat, qurum və insan bu çiplər barədə xəbərdarlıq edir. BMT bildirir ki, bu çiplər insanların hərəkətlərinə təsir edə bilər, hətta onların şəxsi fikirlərini dəyişə bilər. Hətta qurumun təhsil, elm və mədəniyyət məsələləri üzrə iqtisadçı mütəxəssisi Mariagrazia Squicciarini qeyd edib ki, “Bu, bir növ neyrotexnologiyanın steroid ilə təmin edilməsi deməkdir”. UNESCO-nun yeni hesabtına əsasən 2010-2020-ci illər ərzində neyrotexnologiya şirkətlərinə investisiyalar 22 dəfə artaraq 33 milyard dolları örtüb.
Bu isə investorların bu sahəyə olan marağının həddindən artıq çox olduğunu isbat edir. Həmçinin qeyd olunan zaman aralığında bu sahədə patentlərin sayı 2 dəfədən çox artıb. Bundan əlavə bir çox qabaqcıl şirkətlər, hətta Elon Muskın neuralink şirkəti beyin implantlarını insanlar üzərində sınaqdan keçirmək üçün müvafiq icazələri əldə edib. Əvvəlcə dövlət qurumları bu sınaqlar imkan verməsə də sonralar, şirkətlər lazımi icazələri alaraq sınaqlara başlaya bilib. Bütün bunlar beyin çiplərinin və ya implantlarının istifadəsinin yaxın gələcəkdə mümkün olacağına işarət edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
