Bilirik ki, smartfonlar üçün çoxlu zərərli proqramlar var. Smartfon xakerləri də bu tərz proqramların mövcudluğundan istifadə edərək şəxsi məlumatlarımızın yer aldığı smartfonlarımızı hədəf ala bilir. Xakerlərin smartfonlara hücum edə bilmək üçün istifadə etdikləri yollardan biri məşhur bir proqram hazırlayaraq onu pulsuz şəkildə istifadəyə verməkdir. Belə ki, təhlükəsizlik mütəxəssisləri Android ekosistemində dolaşan zərərli proqramları paylaşıblar. Əgər mobil telefonunuzda bu proqramlar varsa, telefonunuzu qorumaq üçün onları silməyiniz tövsiyə edilir.
Zərərli proqramlar siyahısı:
- Document Manager
Document Manager rəqəmsal arxiv və daha çoxudur. Əlavə olaraq bir çox digər funksiyalar təqdim edir. Bunlardan ən əhəmiyyətlisi odur ki, layihələrinizdə rəqəmsal sənəd proseslərinin düzgün və rəqəmsal irəliləyişini təmin edir. Lakin təəssüf hissi ilə bildiririk ki, Document Manager Android əməliyyat ekosistemində dolaşan zərərli proqramlar siyahısında yer alır.
- Coin track Loan – Online loan
Bazar dəyərinizi, investisiya performansınızı görüntüləməyə şərait yaradan Coin track Loan – Online loan 300-dən çox bazarı və 10.000-dən çox kriptovalyutanı dəstəkləyir.
- Cool Caller Screen
Məsələn bir nömrədən sizə zəng gəlir, amma kimin zəng etdiyini bilmirsiz. Cool Caller Screen vasitəsilə telefonu açmadan zəng edənin kim olduğunu bilə biləcəksiniz. Belə ki, Google Assistant sizin yerinizə telefonu açacaq və zəng edənin dediklərini sizə yazı formasında göstərəcək. Həmçinin qarşı tərəfə sizin hazırda məşğul olduğunuzuda bildirir.
Digər proqramlar :
- PSD Auth Protector
- RGB Emoji Keyboard
- Camera Translator Pro
- Fast PDF Scanner
- Air Balloon Wallpaper
- Colorful Messenger
- Thug Photo Editor
- Anime Wallpaper
- Peace SMS
- Happy Photo Collage
- Original Messenger
- Pellet Messages
- Smart Keyboard
- Special Photo Editor
- 4K Wallpapers
Xakerlər hər gün Google filtrlərindən yan keçmək üçün yeni üsullar tapırlar və proqramlarını daha yaxşı gizlətməyi bacarırlar. Kodlarını mümkün qədər qısaltmağa çalışan pis niyyətli xakerlər bu yolla Google-un süni intellektini aldada bilirlər. Üstəlik, təhlillərə görə, bu proqramlar daha çox insana çatmaq üçün bir müddət gözləyir və sonra zərərvermə mərhələsinə keçir. Bu da proqram təminatının aşkarlanmasının qarşısını alır. Tətbiqi quraşdırmadan əvvəl şərhlər bölməsini yoxlamaq, naməlum tərtibatçıların proqramlarını quraşdırmaqdan çəkinmək və yükləyəcəyiniz proqramları hərtərəfli nəzərdən keçirmək smartfonunuzu zərərli proqramlardan qoruya bilər.
