Yeni məlumatlara görə, Apple bundan sonra iPhone 17 seriyasındakı standart modellərin ekranlarını 6,3 düymədək artıraraq biraz daha böyüdəcək. Beləliklə, yeni iPhone-lar “cibimizə sığmayacaq” qədər böyük ola bilər.
Apple iPhone 17 seriyası üçün hazırlıqlara çoxdan başlayıb. Şirkət bu il seriyaya yeni model iPhone 17 Air əlavə edəcək və yeni ortaya çıxan hesabata görə bu qərar standart iPhone 17 modelinə də təsir edəcək. Keçən il Apple Pro modellərinin ekranlarını bir qədər artırdı, lakin standart modellər köhnə ölçülərdə qalıb. Bu il iPhone 17 Air-in seriyaya əlavə edilməsi ilə standart iPhone 17-nin ekranı 6,1 düymdən 6,3 düymədək artırılır. Başqa sözlə, bu o deməkdir ki, iPhone 17 Pro ilə eyni ekran ölçüsünə sahib olacaq.
Bundan əlavə, Apple ilk dəfə olaraq standart iPhone modelinə 120Hz yeniləmə sürətini (ProMotion) əlavə etməyi planlaşdırır. Bu sayədə şirkət yeni seriyalarda standartlarını yüksəltməyi və ən azından ekran üçün telefonlar arasında böyük fərqlərin olmamasını hədəfləyir. Təbii ki, bunlar hələlik sadəcə sızıntılar və söz-söhbətlərdir, lakin Apple-ın bu il seriyaya yeni bir model əlavə etməklə yanaşı, əvvəlki illərdə ‘yenilik’ baxımından qeyri-kafi olan iPhone’larla müqayisədə təkmilləşdirməyə dəyər yeni iPhone’lar təqdim etməyi planlaşdırdığı düşünülür.
