Yeni nəşr olunan bir araşdırma göstərir ki, elektrikli avtomobillər təkcə işlənmiş tullantıları deyil, həm də nəqliyyat vasitələrinin yaratdığı digər çirklənmə növlərini də azaldır. Belə ki, Kaliforniya və London kimi yerlərdə aparılan əvvəlki tədqiqatlar elektrikli nəqliyyat vasitələrinin geniş yayıldığı ərazilərdə havanın keyfiyyətinin əhəmiyyətli dərəcədə yaxşılaşdığını göstərib. Yeni araşdırma həmçinin elektrikli nəqliyyat vasitələrinin əyləc tozunun çirklənməsini azaltdığını ortaya qoyur. Beləliklə, yeni araşdırmaya əsasən məlum olub ki, elektrikli avtomobillər, 83% daha az əyləc tozu istehsal edirmiş.
London üçün EIT Urban Mobility and Transport tərəfindən aparılan bir araşdırma, mexaniki əyləclərin daha az istifadə edilməsi nəticəsində elektrikli nəqliyyat vasitələrinin 83% daha az əyləc tozu istehsal etdiyini göstərib. Bu, əsasən, elektrikli nəqliyyat vasitələrinin sürəti azaltmaq üçün regenerativ əyləcdən istifadə etməsidir. Əyləc yastiqciqlarından daha az istifadə əyləc tozunu azaldır və yastıqların ömrünü xeyli uzadır. Tədqiqat həmçinin göstərir ki, hibrid avtomobillər 10-48%, plug-in hibridlər isə 66% daha az əyləc tozu buraxır. Əlavə olaraq, tədqiqat təkərlərin aşınması və yol səthinin aşınması, həmçinin əyləc tozları kimi digər çirkləndirici növlərinə diqqət yetirib.
Təhlil həmçinin şinlərin və yolların aşınması nəticəsində yaranan digər çirklənmə formalarını da nəzərdən keçirib. Təkərlərin aşınması baxımından elektrikli nəqliyyat vasitələrinin daha ağır çəkisi səbəbindən bir az daha çox çirklənmə yaradacağı güman edilirdi. Məlum olub ki, elektriklə işləyən avtomobillər daxiliyanma ilə işləyən avtomobillərdən 20% ağırdır. Elektrikli nəqliyyat vasitələrinin təkərlərinin aşınması bir qədər çox olsa da, əyləc tozunun daha çox zərərli olduğu deyilir. Çünki əyləc tozunun 40%-dən çoxu havaya, təkərlərin aşınmasından yaranan hissəciklərin isə yalnız 1%-5%-i havaya daxil olur. Bu isə o deməkdir ki, elektrikli nəqliyyat vasitələri daha az zərərli növlərdən bir qədər çox çirklənmə əmələ gətirir, lakin daha çox zərərli çirklənmənin qarşısını alır
