Ötən aylarda Humane şirkətinin hazırladığı cihazın bəlli olduğunu xəbər vermişdik. Belə ki, yeni cihazın gələcəkdə smartfonları əvəz edəcəyi və texnologiya sahəsində inqilabi yenilik edəcəyi iddia olunurdu. İndi isə Humane şirkətinin Human Ai Pin adlı cihazı ortaya çıxıb və onun bu il ərzində təqdim ediləcəyi məlum olub. Ümumiyyətlə Apple şirkətinin keçmiş əməkdaşları tərəfindən yaradılan Humane layihəsi 21 il Apple məhsul dizayneri işləmiş və startapın sözçüsü olan İmran Çaudhri tərəfindən smartfonları əvəz etmək üçün yaradılmışdır. Digər bir tərəfdən bu cihaz üzərində 8 ildən çox iOS və MacOS əməliyyat sistemlərini təkmilləşdirməklə məşğul olan Bethany Bongiorno da əsas mühəndislərdən biri kimi fəaliyyət göstərib.
Bundan əlavə Humane Ai Pin cihazı ilk dəfə TED çıxışı zamanı nümayiş etdirilmişdi. Təqdimatda isə artıq telefona ehtiyacınız olmayacaq ifadəsi işlədilmişdi. Məhz bu ifadə ilə Humane şirkəti bütün diqqətləri yeni təqdim edəcəyi cihazın üzərinə yönəltsə də, uzunmüddətdir cihaz barədə məlumat ortaya çıxmırdı. Yalnız bu gün cihazın adı məlum olub. Qeyd edək ki, şirkətin yeni cihazı süni intellekt əsaslı fərdi köməkçi kimi çıxış edərək proyeksiya metodu ilə işləyən “ekrana” malikdir. Həmçinin cihaz mikrofon, dinamik və digər hissələri ilə smartfondan heç də geri qalmır.
Bu gün məlum olub ki, Humane şirkətinin yeni Human Ai Pin cihazı Snapdragon tərəfindən dəstəklənəcək və bu il ərzində bazara çıxarılacaq. Hələlik isə yeni cihazın necə işləyəcəyi və qiyməti barədə məlumat yoxdur. Lakin cihazın adında yer alan Pin sözü onun iş prinsipindən xəbər verir. Əgər cihaz bütün tələbləri qarşılayarsa həqiqətən də texnologiya sahəsinin inqilabi yeniliklərindən birinə çevirlə bilər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
