BAYKAR şirkəti tərəfindən 2023-cü ildə ilk test uçuşlarının həyata keçirilməsi planlaşdırılan, Bayraktar KIZILELMA (MUIS) pilotsuz uçuş aparatı nümayiş olunub. Belə ki, KIZILELMA ilk dəfə olaraq qara dəniz sahilində keçirilən Teknofest 2022 festivalında nümayiş olunub. Yeni PUA festivala gələn qonaqları dizayn və xüsusiyyətləri ilə təəccübləndirib.
Bayraktar KIZILELMA barəsində ilk konseptual araşdırmalar 2013-cü ildə başlamışdı. Lakin layihə ilə bağlı ən mühüm inkişaf 20 iyul 2021-ci ildə yaşandı. Belə ki, bu tarixdə Selçuk Bayraktar yeni PUA ilə bağlı ilk dizayn şəkilləri və bəzi xüsusiyyətləri ictimaiyyətlə paylaşmışdı. KIZILELMA digər pilotsuz uçuş aparatlarından fərqli olaraq, aqressiv manevr qabiliyyəti, qısa uçuş zolaqlarına sahib gəmilərə enib yüksələ bilmə qabiliyyəti, aşağı radar kəsiyi yəni daha aşağı elektromaqnit imzası ilə aşkar oluna bilmə dərəcəsinin az olması və bu kimi özəlliklərinə görə fərqlənir.
Bayraktar KIZILELMA texniki xüsusiyyətləri
Bayraktar KIZILELMA 35 min futa qədər hündürlükdə əməliyyatların yerinə yetirilməsinə icazə verəbilir. O cümlədən 5 saat havada qalma müddətinə və maksimum 6 ton yük qaldırma xüsusiyyətinə sahibdir. Uçuş sürəti 0.6 mach kimi göstərilir (~740km/s). Fəaliyyət radisu 500Nm (~926km) təşkil edir (hərbi baxımdan təyyarənin bir uçuş boyunca öz bazasından uzaqlaşa biləcəyi və yanacaq doldurma olmadan geri dönə biləcəyi maksimum məsafə nəzərdə tutulur). PUA da istifadə olunan mühərrik AI-322F Turbofan mühərrikidir. Lakin Selçuk Bayraktar gələcəkdə cüt Al-322F Turbofan mühərrikli modelində mümkün ola biləcəyini qeyd edir.
Əlavə olaraq, KIZILELMA həm havadan-havaya, həm də havadan-quruya atəş etmə qabiliyyətinə malik olacaq. Belə ki, havadan-havaya istifadə edəcəyi raketlər Bozdoğan və Gökdoğan raketləri olacaq. Havadan-quruya isə Cirit, Bozok və TÜBİTAK-SAGE Bozok raketlərindən istifadə edəcək.
