Həmişəki kimi Xiaomi şirkəti yenidən bizləri satışa çıxarılmamış smartfonunun bazara erkən təqdim edilməsi ilə təəccübləndirib. Belə ki, ötən həftə Xiaomi 13 seriyasının media və satış təmsilçiləri üçün nəzərdə tutulmuş yüksək keyfiyyətli render görüntüləri sızdırılmışdı. Həmin render görüntülərindən bir daha əmin olduq ki, Xiaomi 13 Lite modeli bir müddət əvvəl Çində təqdim olunmuş Xiaomi CIVI 2 modelinin təkrar brendləşdirilmiş variantı olacaq. Lakin bu əminliyimizi gücləndirən digər bir sızıntı da ötən gün yaşandı. Başlıqdan da gördüyünüz kimi smartfona dair qutu açılışı videosu Sudhanshu Ambhore adlı tviter istifadəçisi tərəfindən yayımlanıb.
Xiaomi 13 Lite modeli ilə bağlı bütün detallar məlumdur!
Xiaomi 13 seriyası 27 fevral – 2 mart tarixləri arasında Barselonada keçiriləcək MWC 2023 sərgisində qlobal bazarda nümayiş etdiriləcək. Lakin smartfonların anons tarixi tədbirdən 1 gün əvvəl 26 fevralda baş tutacaq. Xiaomi şirkəti təqdimat tədbiri çərçivəsində Xiaomi 13, Xiaomi 13 Lite və Xiaomi 13 Pro modellərini qarşımıza çıxaracaq. Smartfonların hər biri bizlər üçün əvvəlcədən məlumdur. Çünki, Çin bazarı üçün olan təqdimat tədbirində cihazlar onsuzda anons ediliblər. Sadəcə səthi olaraq sırf bu mövzumuzun əsası olan Xiaomi 13 Lite qutu açılışı videosu istinadən cihaz barədə detallara nəzər salsaq, smartfon öz gücünü Snapdragon 7 Gen 1 çipsetindən alacaq.
Kamera cəhətdən isə smartfon 50MP əsas, 20MP ultra-geniş və 2MP makro sensorları ilə gücləndirilib. Xiaomi 13 Lite modelinin qutu açılışı videsunda gördüyünüz kimi 120Hz tezlikli 6.55 düymlük AMOLED ekran panelinə sahibdir. Smartfon 4500 mAs həcmli 67 Vt sürətli şarj dəstəkləyən batareya ilə təchiz olunub və adapter qutuya daxildir.
İddialar əsasən, Xiaomi şirkəti 256 GB yaddaşa malik Xiaomi 13 Lite modelini 549 avroya təklif ediləcək. Lakin Xiaomi şirkəti bu modelini də orta səviyyəli smartfonları 128 GB yaddaş variantı ilə təklif edəcək. Buna görə də Xiaomi 13 Lite modelinin də daha ucuz qiymətli bir 128GB variantı gözləniləndir. Başqa sözlə, 549 avroluq Xiaomi 13 Lite modelinin ən ucuz deyil, ən bahalı versiyasıdır. Sızıntılar Xiaomi 13 Lite modelinin iki rəngdə mövcud olacağını nəzərdə tutur. Təbii ki, bu qiymətin rəsmi Avropa satış qiyməti olduğunu da nəzərə almalısınız. Yəni ölkəmizdə bu model təqribi 850-1000 AZN aralığında gözlənilə bilər. Əks halda rəqabətdə də müəyyən çətinliklərin olacağı qaçınılmazdır.
