ChatGPT dil modelinin ciddi səs gətirməsindən sonra Google şirkəti ciddi əl-ayağa düşmüşdü. Hətta olduqca sürətli formada ChatGPT rəqibi olaraq anons edilən Google Bard süni intellekt əsaslı çat botu ötən həftə anons edildi. Lakin deyəsən, Google şirkəti çat botunu anons etmək üçün çox tələsib. Çünki, Google şirkətinin ChatGPT rəqibi hesab edilın Bard süni intellekt əsaslı dil modeli elə şirkətin öz işçiləri tərəfindən belə tənqid atəşinə tutulub.
Onsuzda ChatGPT qarşısında geri qalan Google şirkəti Bard çat botunun tənqid edilməsi ilə daha çox problemlərlə üzləşir!
İlk növbədə problem elə Google Bard çatbotunun birinci dəfə anons edildiyi təqdimat çarxından başlayır. Bard çat botunun ilk demo testləri Twitter üzərindən yayımlanmışdı. Lakin demo testlərini araşdıran istifadəçilər cavabların yanlış olduğunu gördülər. Bununla bağlı xəbərlər çıxdıqdan sonra Google şirkətinin hissələri 100 milyard dollar dəyər itirdi. Bir neçə həftə sonra ictimaiyyətin istifadəsinə açılacaq Google Bard isə yenidən tənqid edilməsi ilə gündəmə gəlib.
Belə ki, CNBC tərəfindən verilən məlumata görə olduqca Google işçiləri şirkətin bu xidmətinin hələ də hazır olmadığı, lakin trenddən geri qalmamaq üçün tələsdiyini bildirirlər. Onların sözlərinə görə həqiqətən LaMDA süni intellektinin imkanları böyükdür. Lakin Google şirkəti onu çat bota çevirəcək bir infrastrukturu hələ tamamlamayıb. Buna baxmayaq işçilərin bildirdiyinə görə şirkətin baş icraçı direktoru Sundar Pichai olduqca vaxt tələb edən bu prosesi sadəcə bir neçə həftəlik qısa vaxt dilimində tamamlamağı istəyib. Nəticədə Google Bard adını verdikləri çat botu tələsdirilmiş və uğursuz bir iş olaraq elə tərtibatçıların özləri tərəfindən qiymətləndirilir.
Mütəxəssislərin fikrincə, şirkət onsuzda ChatGPT çıxması ilə tənqidlərə məruz qalarkən, belə bir qeyi-peşəkar xidməti bazara çıxarmaqla özlərinə problem yaradacaqlar. İnsanların əksəriyyəti onsuzda ChatGPT imkanlarını gördükdən sonra nisbətən peşəkar axtarışlarını dil modelindən istifadə edərək həyata keçirirlər. Üstəlik Microsoft şirkətinin ardıyca hal-hazırda bir çox şirkət, hətta Opera belə öz brauzerinə ChatGPT dil modelini daxil etməyi planlaşdırır. Gələcək süni intellekt ilə yoğrulub asanlaşarkən, axtarışlardan saytları gəzmək artıq həqiqətən sıxıcı olmağa başlayacaq.
