Xiaomi 13 seriyasının ən ucuz qlobal üzvü olan Xiaomi 13 Lite üçün Avropa qiymətləri və xüsusiyyətləri sızdırılıb. Xiaomi şirkəti Xiaomi 13 Lite modelini buraxmaq planlarını təsdiqləməsə də, sızıntılar keçən ay cihazın yenidən markalanmış CIVI 2 olacağını iddia edir. Qeyd edək ki, CIVI brendinin Çindən kənarda bu vaxta qədər heç bir sertifikatlaşdırılması 2 il ərzində heç vaxt baş tutmayıb.
Məlumatlara görə Xiaomi 13 Lite modeli, Xiaomi 13 və Xiaomi 13 Pro ilə birlikdə təqdim olunacaq. Xiaomi bu ayın sonunda Barselonada keçiriləcək MWC 2023 zamanı Xiaomi 13 və Xiaomi 13 Pro təqdim edəcək. Lakin smartfonlar ilk dəfə 26 fevral tarixində anons ediləcəklər. Bununla belə, əvvəlcədən sifarişlər 8 martdan tez göndərilməyə başlanmayacaq.
İddialar əsasən, Xiaomi şirkəti 256 GB yaddaşa malik Xiaomi 13 Lite modelini 549 avroya satışa çıxaracaq. Standart olaraq Xiaomi şirkətinin orta səviyyəli smartfonları 128 GB yaddaş variantı ilə təklif edilir. Buna görə də Xiaomi 13 Lite modelinin də daha ucuz qiymətli bir 128GB variantı gözləniləndir. Başqa sözlə, 549 avroluq Xiaomi 13 Lite modelinin ən ucuz deyil, ən bahalı versiyasıdır. Sızıntılar Xiaomi 13 Lite modelinin iki rəngdə mövcud olacağını nəzərdə tutur.
Sızıntılarda qeyd edildiyi kimi, bu model CIVI 2 modellinin təkrar brendləşdirilmiş variantı olaraq nəzərdə tutulur. Bundan yola çıxaraq deyə bilərik ki, Xiaomi 13 Lite modeli Snapdragon 7 Gen 1 çipseti və qıvrımlı 120 Hz AMOLED ekran paneli ilə təchiz olunacaq. Xiaomi şirkəti CIVI brendini Xiaomi 13 Lite olaraq başlatmaqla bu seriyanın qiymətini müəyyən qədər yüksəltmiş olacaq. Bu da Redmi Note 12 seriyası ilə fərqi daha yaxşı formalaşdıracaq.
