Həyatımızı asanlaşdıran, habelə dünyanı müasirləşdirən cihazların istehsalçıları olan texnologiya nəhəngləri 1983-cü ildən bəri gəlirlərini 30% həddindən yuxarı çıxara bilmirdi. Bu ilin ilk yarısında isə texnologiya nəhənglərinin gəlirləri 1983-cü ildən bəri qeydə alınmış ən yüksək həddə çatıb. Belə ki, ABŞ-də ən çox izlənən 3 fond bazarı indeksindən biri olan Nasdaq bu ilin ilk yarısında gəlirini 32%-ə çatdırıb. Bu isə Nasdaq bazar indeksinin 1983-cü ildə qeydə alınan 37% gəlirinə illər boyu qeydə alınmış ən yaxın göstəricidir. Qeyd edək ki, Nasdaq və ya National Association of Securities Dealers Automated Quotations, qiymətli kağızlar üçün alqı-satqı qiymətlərinin qeydə alındığı birjadır. Həmçinin burada bir çox texnologiya nəhənginin səhmlərinin dəyəri də göstərilir.
Ümumi olaraq biz son 40 ildə baş verənləri nəzərə alsaq, bu göstərici çox təəccüblüdür. Çünki Microsoft şirkəti hələ 1986-cı ildə bazara daxil olmuşdu. Yalnız 1990-cı illərdən sonra internet brauzerləri və digər şəbəkələr meydana çıxmışdı. Son 10 ildə isə bir çox şirkətin illik gəliri milyard dolları ötmüşdü. Bu isə 30 il ərzində texnologiyanın sürətli inkişafının və texnologiya nəhənglərinin uğurlarının daha bir sübutudur. Lakin qeyd edək ki, bu il ərzində bir çox şirkət iqtisadi cəhətdən problem yaşayır. Texnologiya nəhənglərinin gəlirləri minimum həddə qədər çatıb. Bunun qarşısını almaq üçün şirkətlərdə işçi ixtisarlarına başlanılıb. Bununla belə, Meta və Tesla kimi şirkətlər öz gəlirlərini iki dəfəyə qədər artıra bilib.
Təbii ki, texnologiya nəhənglərinin gəlirlərindən danışırıqsa Nvidia və Apple kimi brendləri qeyd etməmək mümkün deyil. Nvidia şirkəti 6 ay ərzində öz gəlirlərini 190% artıraraq bazar dəyərini 1 trilyon dollara çatdırıb. Apple isə səhmlərinin dəyərini 50% artırıb. Həmçinin şirkətin bazar dəyəri bu ilin əvvəllərində 3 trilyon dolları ötüb. Bu il bəzi şirkətlərin rekord səviyyədə gəlir əldə etməsi süni intellekt texnologiyası ilə bağlıdır. Artıq süni intellekt texnologiya sahəsinin ən gəlirlisi hesab olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
