Apple tarixində iPhone 14 Plus modeli üçün fantastik dərəcədə böyük anti-rekord yaşanır. Belə ki, Apple şirkəti bu il iPhone 13 mini modelinin davamını çıxarmadı. Bunun ən böyük səbəb isə iPhone 13 mini modelinin alıcılıq qabiliyyətinin aşağı olması idi. Əvəzində iPhone 14 Plus modelini hazırlayan şirkət, bu dəfə satışların artacağını təxmin edirdi. Lakin vəziyyət daha da bərbad hal alıb. Tanınmış analitik Ming-Chi Kuo tərəfindən verilən məlumata görə hal-hazırda iPhone 14 Plus modelini almaq istəyən adətən yox dərəcəsindədir. Satış ədədləri və satış tempi o qədər zəifdir ki, bu gedişlə iPhone 15 seriyasında bu modeldən də təkrar imtina edilə bilər.
iPhone 14 Plus modeli Apple şirkətinin seriya daxili satışlarında 5%-dən belə kiçik rola malikdir
Ming-Chi Kuo tərəfindən qeyd edilənə görə iPhone 14 seriyasının ümumi satış ədədlərində 85%-lik pay məhz iPhone 14 Pro və iPhone 14 Pro Max modellərinə məxsusdur. Yerdə qalan 15%-lik hissədə isə sadə iPhone 14 Plus modeli 5%-dən daha az paya malikdir ki, iPhone 14 Plus modelini bir çox müştəri almaq barədə düşünmək istəmir. Alıcıların fikrincə iPhone 14 Plus yerinə iPhone 13 Pro modelinə yönəlmək daha məntiqlidir.
Çünki, ilk növbədə hər iki model də eyni A15 Bionic çipsetinə malikdir. Yeni kapsul dizaynı onsuzda iPhone 14 Plus modelində yoxdur. Ona görə iPhone 13 Pro modelini aldıqda ən azından 120Hz ProMotion dəstəkli ekran paneli əldə etmiş olursunuz. Eyni zamanda daha kompaktdır və daha çox funksional kameralara sahibdir. Qiyməti isə bəzi hallarda daha münasib qiymətə belə gələ bilir.
Nəticədə bəlkə də düzgün planlanmayan satış strategiyası səbəbi ilə iPhone 14 Plus modelinin satış ədədləri iPhone 13 mini və iPhone SE modellərinin belə gerisində göstərilir. Son 3 il ərzində 240 milyondan çox iPhone istifadəçisi smartfonunu yeniləməyib. Nəticədə iPhone 14 Pro modellərinin satış ədədləri getdikcə daha sürətlə artacaq. Ona görə də ehtimallara edilir ki, iPhone 14 Plus modelini almaq istəyənlərin sayında növbəti rüblərdə də ciddi yüksəliş olmayacaq. Bəs sizin fikrinizcə iPhone 14 Plus modelini almaq məntiqlidir?
