Ötən gün Huawei şirkətinin sanksiyalarla bağlı inkişaf əldə edə bilcəyinə dair bir xəbər paylaşmışdıq. Həmin xəbərdən sonra araşdırma etdikdə bəzi fərqli və təəccübləndirən detalların mövcud olduğu qarşımıza çıxır. Belə ki, bəzi Çin şirkətlərinə, xüsusən də ABŞ-ın qara siyahısında olan Huawei şirkətinə qarşı tətbiq edilən sanksiyaların götürüldüyü iddia edir. Lakin sanksiyalar zəiflədilməsinin fonunda çox qəribə faktlar mövcuddur. Müxtəlif qeydlərə görə Podesta qardaşları sanksiyaların zəiflədilməsində mühüm rol oynayır.
Podesta qardaşları kimdir?
Zəngin iş adamı qardaşlar olan Tony Podesta və Jhon Poddesta haqqında maraqlı detallar var. Əvvəla, 78 yaşlı iş adamı, Podesta Group şirkətinin sahibi və Amerikalı lobbiçi kimi tanınan Tony Podesta haqqında qeyd danışsaq, bu şəxs Huawei tərəfindən 2021-ci ildə lobbiçi və məsləhətçi kimi işə götürülüb.
Onun 73 yaşlı qardaşı Jhon Podesta isə Ağ Evdəki ilk vəzifəsinə 1993-cü ildə təyin edilib. Uzun illər Ağ Evdə işləyib, ən son 2014-2015 illər aralığında Barak Obamanın müşaviri olmuşdur. Ağ evdəki ən yeni işinə isə tam olaraq 10 gün əvvəl təyin edilib. Hansı ki, Jhon Podesta 2 sentyabrdan etibarən Co Baydenin baş müşaviri olaraq işləyir.
Biri Huawei lobbiçisi və məsləhətçisi, digəri Baydenin baş məsləhətçisi olan Podesta qardaşları son günlər körpü rolunu oynayırlar?
Mövzunun alovlandığı hissə isə burda başlayır. İddialara görə, Podesta qardaşları sanksiyaların yumşaldılması istiqamətində mühüm addımlar atıblar. Huawei lobbiçisinin qardaşı Jhon Podesta, 10 gün əvvəl Ağ Evdə yeni işinə başladıqdan sonra Co Bayden sanki, Podesta effektinin nəticəsi olaraq Huawei üçün sanksiya qaydalarını sakitcə yumşaldır.
Bəzi mənbələr isə hətta ABŞ-nin məhdudlaşdırılmış şirkətlərə (başlıca olaraq Huawei) müxtəlif ABŞ texnologiyalarından istifadə etməyə icazə verdiyini bildirir. Həmçinin Kirin prosessorlarının inkişaf etdirilməsi və müştəri kimi aldıqları çipsetlərdə daxili 5G dəstəyindən istifadənin nəhayət, mümkün olacağı deyilir. Lakin bu detallar hələlik öz gizliliyini qorumağa davam edir.
