Instagram platformasının qurucuları Kevin Systrom və Mike Krieger yeni tətbiqləri ilə qarşımıza çıxdılar. Artifact adlı bu proqram istifadəçilərə fərdiləşdirilmiş xəbər lenti təklif edir. Hazırda beta mərhələsində olan Artifact tətbiqi istifadəçiləri gözləmə siyahısına əsasən platformaya alır. Məlumata görə, ikilinin yaratdığı tətbiq Google Reader və ya Google News bənzərliyi ilə diqqət çəkir. Bununla belə, Artifact istifadəçilərə fərdiləşdirilmiş təcrübə təqdim etmək üçün maşın öyrənməsindən istifadə edir. Bu məqamda xatırladaq ki, 2013-cü ildə bağlanan Google Reader də oxşar xüsusiyyətə malik idi. İndi isə tətbiqin necə işlədiyindən detallı bəhs edək.
Kevin Systrom və Mayk Kriger yeni tətbiqləri ilə bağlı “The Verge” nəşrinə müsahibə verib. Müsahibədəki məlumatlara görə, Artifact əvvəlcə seçilmiş xəbərləri təqdim edəcək, lakin zaman keçdikcə xəbərlər istifadəçinin maraqlarına görə alqoritmlər tərəfindən uyğunlaşdırılacaq. Sözügedən məqalələrin bəziləri The New York Times kimi böyük nəşriyyatlardan, digər məqalələr isə kiçik saytlara aid ola bilər. Tətbiq daxilindəki əsas xüsusiyyətlərə şərh nəzarətləri, izlədiyiniz insanların şərhləri ilə birlikdə paylaşdığınız məqalələr üçün ayrıca lentlər daxildir. Bundan əlavə, yazıları şəxsi müzakirə etmək istəyənlər üçün mesajlaşma variantı olacaq.
İnstagram tətbiqinin uğurunu nəzərə alsaq, Kevin Systrom və Mayk Kriegerin yeni layihəsi ilə bağlı gözləntilər böyükdür. Xəbər oxuyan böyük bir kütlənin olduğu həqiqətini nəzərə alsaq ikilinin əvvəlki kimi uğur qazanıb-qazanmayacağı maraq doğurur. Eyni şəkildə, Pocket və Matter kimi proqramlar xəbərləri oxumaq təcrübəsini şərhlər və təkliflər seçimi ilə birləşdirir. Twitter-in Revue-ni alması və platformada bir müddət aktiv təklifdən sonra bağlanması da bazarda oxşar həll təklif edən Substack platformasının əlini gücləndirib. Lakin bunlardan heç biri Artifact qədər səs gətirməyib. Çünki, ortada yaradıcı faktoru da böyükdür.
Xəbərlərin yayılmasına gəlincə, tətbiqin Meta proqram ailəsi ilə yanaşı Apple News və Google News ilə rəqabət aparacağını demək mümkündür. Həmçinin Z nəslinin bu yaxınlarda sual axtarmaq üçün Google əvəzinə TikTok axtarış düyməsini istifadə etdiyini nəzərə alsaq, Artifact xəbərlərin yayılmasında sosial şəbəkələrlə də rəqabət aparacaq. Bütün bunlara baxmayaraq, ikili maşın öyrənmə texnologiyasındakı son nailiyyətləri tətbiqin uğurunda mühüm rol oynayacağını düşünür. Hələlik yalnız ABŞ-da istifadəçilər üçün əlçatan olan tətbiqin addımlarını izləyərək görəcəyik.
