Yəqin ki, son vaxtlarda internetdə çoxumuzun qarşısına Coca-Cola dizaynlı Cola Phone smartfonun şəkilləri çıxıb. Lakin hamıya maraqlı olan tərəfi bu cihazın Coca-Cola şirkətinə məxsus olub olmaması idi. Məlum olub ki, sözügedən cihaz keçən ilin sonunda satışa çıxarılan yeni Realme 10 Pro 5G modelidir.
Telefonun xarici dizaynı orijinal modellə eyni qalsa da, telefonu fərqləndirmək üçün bir neçə estetik əlavələr var. Realme 10 Pro Coca-Cola versiyası iki tonlu dizayna malikdir. Bir tərəfində qara rəng və Realme loqosu, digər yarısında isə qırmızı vurğuda Coca-Cola logosu var. Arxa tərəfdə qırmızı vurğu halqaları olan ikili kameralı sensoru var. Telefon yuvarlaq kənarları olan qutu şəkilli dizayna malikdir ki, bu da bizə əvvəlcədən tanışdır.
Realme 10 Pro modeli, 120Hz yeniləmə tezlikli 680 nit parlaqlığa malik 6,72 düymlük FHD+ IPS LCD panellə təchiz edilmişdir. Cihaz Snapdragon 695 5G çipseti ilə təchiz edilmişdir. Android 13 əsaslı Realme UI 4.0 interfeysi ilə qutudan çıxır. Smartfon 5G, 4G LTE, ikizolaqlı Wi-Fi, Bluetooth, GPS bağlantıları ilə təhciz edilib. 33 Vt sürətli şarj dəstəyi ilə 5000 mAs batareya və təhlükəsizlik üçün yan tərəfə quraşdırılmış barmaq izi sensoru var.
Məlumatlara görə cihazdan sadəcə 6000 ədəd buraxılacaq. Realme 10 Pro 5G Coca-Cola nəşrinin Hindistanda satışa çıxarılma tarixi şirkət tərəfindən rəsmi olaraq təsdiqləndi. Şirkət bildiribki satışlar 10 fevral saat 12.30-da başlayacaq. Siz Cola Phone haqqında nələr düşünürsünüz?
