Asus, oyun telefonları bazarını tərk etmək istəmir. Bu məhdud bazara ən yeni əlavə tezliklə elan ediləcək Asus ROG Phone 6 olacaq.
Asus ROG Phone 6, şirkətin oyun telefonları sektorundakı son nöqtəsi olaraq 91Mobiles tərəfindən sızdırılıb. Ümumiyyətlə, telefonda dizayn baxımından çoxda dəyişiklik yoxdur. Əvvəlki model kimi oyunu asanlaşdırmaq üçün ön tərəfində geniş çərçivələrə sahib olan və buna görə də selfie kamerası üçün ekran çərtiyi olmayan, oyunçuların diqqətini çəkəcək bir arxa dizaynla gəlir.
MIIT siyahısına görə ROG Phone 6 modeli ROG Phone 5 ilə müəyyən qədər bənzərlik təşkil edən, oxşar konseptə malikdir.
ROG Phone 6 modeli 6,78 düymlük AMOLED ekrana malikdir yəni o, ROG Phone 5 ilə eyni ölçülərdə olan ekran panelinə malikdir. ROG Phone 6, 65 Vt sürətli şarjı da dəstəkləyən 5850 mAh batareyaya ilə təchiz edilib.
Bundan əlavə, ROG Phone 6 Snapdragon 8 Plus Gen 1 çipsetinə, 18 GB-a qədər LPDDR5 operativ yaddaşa və 512 GB UFS 3.1 texnologiyasına malikdir. Potensial olaraq, bu model eyni yaddaş konfiqurasiyasına malik olan ROG Phone 5 Ultimate-in davamçısıdır. Müqayisə etsək, ROG Phone 5 16 GB-a qədər RAM və 256 GB yaddaşla buraxılmışdır. Yeri gəlmişkən, şirkət smartfonun 165 Hz ekranı ilə yanaşı, ROG Phone 5-dən daha üstün soyutma xüsusiyyətinə malik olacağına da işarə edir. Bu oyunçu telefonu üçün Asus özünün ən yeni fanı olan AeroActive Cooler 6-nı təqdim edəcək.
Ayrıca, ROG Phone 6-da bütün ROG Phone 5 modelləri kimi dörd kamera var. MIIT siyahısında qeyd olunur ki, ROG Phone 6 5x optik yaxınlaşdırma edə bilir. Təəssüf ki, ROG Phone 6-nın qiymətləri hələ heç bir mənbə tərəfindən sızdırılmayıb. Sənaye və İnformasiya Texnologiyaları Nazirliyində (MIIT) qeydiyyatdan keçən ASUS artıq ROG Phone 6 modelinin iyulun ayının 5 -də debüt edəcəyini təsdiqləyib. Bəs siz bu haqqda nə fikirləşirsiniz? Bu telefona sahib olmaq istərdinizmi? Fikirlərinizi bizimlə bölüşsəniz şad olarıq. Dəyərli vaxtınızı bizə ayırdıqınız üçün təşəkkürlər.
