Huawei ABŞ sanksiyalarına baxmayaraq, süni intellekt layihələrində TSMC çiplərindən istifadə etməyə davam edir. Belə ki, tayvanlı çip istehsalçısı TSMC, bəzi çiplərinin Huawei məhsullarında istifadə edildiyini açıqlayıb. Mənbənin verdiyi məlumata görə, TSMC çipləri Huawei-nin sanksiyalara məruz qalan süni intellekt serverlərinə üçüncü müştəri vasitəsilə çatdırılır.
TSMC, ixrac nəzarəti qanunlarına uyğun olduğunu bildirərək qanuna tabe olan bir şirkət olduğunu vurğulayıb. Huawei isə TSMC çiplərindən 2020-ci ildən bəri ABŞ Ticarət Departamenti tərəfindən qara siyahıya salındığı üçün istifadə etmədiyini bildirib. Lakin son məlumatlar göstərir ki, TSMC çipləri Huawei-nin süni intellekt layihələrində istifadə olunur. Qeyd edək ki, Huawei hazırda SMIC tərəfindən istehsal olunan 7nm çiplərdən istifadə edir. Lakin ABŞ rəsmiləri bu çiplərin genişmiqyaslı istehsal imkanları ilə bağlı narahatlıqlarını bildirirlər.
Digər tərəfdən, Huawei-nin keçmişdə anbarda saxladığı TSMC çipləri, xüsusilə 2019-cu ildə istehsal edilən Kirin 910 modelinə aid olanlar zaman keçdikcə müxtəlif məhsullarda görünməyə davam edir. Ümumiyyətlə, Son aylarda yayılan xəbərlərə görə, Huawei çip istehsalı maşınlarına böyük investisiyalar edir. ABŞ embarqosu səbəbindən Huawei ASML və ya digər istehsalçılardan xüsusi çip/prosessor istehsal edən maşınlar ala bilmir. Bu inanılmaz dərəcədə həssas və bahalı maşınlara çıxışı olmadığı üçün Huawei yenidən öz fabriklərinə və öz mütəxəssislərinə müraciət edir. Şirkətin öz çip maşınlarını istehsal etmək üçün qurulan Ar-Ge mərkəzinə milyardlarla dollar sərmayə qoyduğu bildirilir.
Nikkei-yə görə, hazırda R&D mərkəzi hazırda Şanxay yaxınlığında tikilir. . Bu mərkəzin əsas məqsədi ASML, Canon və Nikon şirkətlərinin istehsal etdiyi maşınlarla rəqabət apara bilən çip istehsalı alətlərinin hazırlanması ilə izah olunur. Şirkətin daha aşağı “nm” səviyyəsində istehsal üçün daha təkmil maşınlara ehtiyacı var və bildiyimizə görə, burada keçmiş ASML işçiləri də daxil olmaqla çoxlu sayda təcrübəli işçi çalışır.
