Google şirkəti göründüyü bütün servislərində reklam keyfiyyəti ilə ciddi şəkildə məşğul olmağı planlaşdırır. Belə ki, Google Ads ilə əlaqəli olan bütün servislərdə şirkət dəyişiklik edəcək.
Hər bir Android istifadəçisinin qarşısına nə zamansa şübhəli reklam kontenti çıxıb. Bu tip məzmunları istifadəçilər daha çox oyunlarda və bəzi tətbiqlər üzərində görə bilir. Məsələn, ən çox gördüyünüz 1-3 dəqiqə uzunluğunda video kliplərində tətbiq reklamları və ya yalan məzmun daşıyan smartfon oyunu treylerləri Google Ads ilə yayımlanır.
Reklam çarxları qapanmasa, axtarış nəhənginin normalarına uyğun sayılmayacaq!
Esper resursunun texniki redaktoru Mişaal Raxman-nın sözlərinə görə, yaxın gələcəkdə Google şirkəti reklam strategiyasının tələblərində ciddi dəyişiklikləri qüvvəyə mindirəcək. Məsələn, qəfildən tam ekrana açılan və 15 saniyə ərzində qapanmayan reklam çarxları artıq qadağan olacaq. Təxminlərə görə reklamları yerləşdirmək üçün yeni qaydalar üzərində işlər gedir.
Beləliklə, Google Play mağazasında yerləşdirilən bütün tətbiqlər üçün yeni qaydalar tətbiq olunacaq. Yəni artıq oyun oynayan zamanı bezdirici reklam video çarxları və ya GİF-ləri sizi yormayacaq. Analitiklərin təxminlərinə görə, belə bir addım məhşur brendlərin reklama tələbatının azalması ilə əlaqələndirilə bilər. Göründüyü kimi ciddi brendlər reklam büdcələrini azaldıb və Google şirkəti bu səbəbdən bu dəyişikliklərə əl atıb.
Yeni qayda 1 Noyabr tarixindən qüvvəyə minəcək
Son mənbə məlumatına əsasən, 1 Noyabr tarixindən etibarən, Google Play mağazasında olan bütün tətbiqlər FLAG_SECURE və VPNService tələblərinə uyğun olacaq. Bu o deməkdir ki, tətbiqlər bundan sonra üçüncü tərəf tətbiqlərində nümayiş edilən məxfi məlumatlara baxa və ya VPN tunelləri yarada bilməyəcəklər. Google şirkəti göründüyü kimi istifadəçiləri bu tip reklamlardan tam azad etməyi planlaşdırır.
Axtarış nəhənginin gələcək planlarına 31 avqustdan etibarən, yeni filtr alqoritminin də istifadəyə verilməsi daxildir. Bu andan etibarən, saxta məlumatlar nümayiş edən tətbiqlərin Play Store mağazasında mövcudluğu qadağa ediləcək. Əlavə olaraq bir aydan sonra, hər bir tərtibatçının abunəliyin ləğv edilməsi prosesini ətraflı şəkildə göstərməsi də qaydalara daxil edilməlidir.
