Rusiya Google-u ölkə qanunlarına zidd olan YouTube videolarını silmədiyinə görə təxminən 365 milyon dollar (21,1 milyard rubl) cəriməliyib. Rusiyanın rabitə tənzimləyicisi Roskomnadzor mətbuata açıqlamasında bildirib ki, “YouTube ekstremizmi və terrorizmi təbliğ edən” videoların və Ukrayna müharibəsi ilə bağlı “dezinformasiyanın” yer aldığı “qadağan olunmuş məzmunun” silinməsi ilə bağlı göstərişlərə əməl etməyib.
Mart ayında Roskomnadzor Google-u “qeyri-qanuni” YouTube videolarını silməməkdə günahlandırmaqla hədələyərək, cərimənin 8 milyon rubldan başlayacağını və ehtimal ki, Google-un illik gəlirinin 20%-nə qədər artacağını bildirib. 21,1 milyard rubl Google-un ölkədəki illik dövriyyəsinə yaxındır, lakin Google-un həqiqətən də cəriməni ödəyib-ödəməyəcəyi bəlli deyil. Rusiya dövləti mobil cihazlar üçün öz tətbiq mağazasını, servislərini və.s hazırlamağa böyük maraq göstərir. Bəlkə də bu addım şirkətin sıxışdırılaraq ölkədən çıxmasına belə gətirib çıxara bilər. Ölkədə fəaliyyət göstərən məzmun yaradıcıları bu haldan çox narahat olsa da, belə bir halın yaşanması ehtimalı da yox deyil.
Google may ayında Rusiyadakı fəaliyyətini dayandırmaq planlarını açıqlayıb. Rusiya və Google keçmişdə dəfələrlə üz-üzə gəliblər. Keçən dekabrda Rusiya qadağan olunmuş məzmunu silmədiyinə görə Google-u 100 milyon dollar cərmiləmişdi və Rusiya Ukraynanı işğal etdikdən sonra işlər daha da qəlizləşdi. Bir çox digər texnoloji şirkətlər kimi, Google da Rusiya müştərilərinə müxtəlif xidmətləri dayandırıb, reklam satışını, gəlirləri ləğv edib və Rusiya dövlətinin maliyyələşdirdiyi mediaya məxsus YouTube kanallarına girişi bloklayıb. Sizin fikirləriniz bizim üçün çox önəmlidir. Bu haqqda fikirlərinizi bizimlə bölüşməyi unutmayın!
