Android smartfonlar arasında hər dövr istehsalçılar arasında təkrarlanan yeniliklər baş verir. Həmin təkrarlanan yeniliklərə bir çox misal çəkmək olar. Hal-hazırda işlətdiyimiz cihazların bir çoxuna yaddaş vasitəsilə ramın artırılması özəlliyi gəlmişdir. “Virtual operativ yaddaş” və ya Virtual Ram olaraq adlandırılan bu xüsusiyyətə, gəlin bir yerdə nəzər salaq.
Extended və ya Virtual RAM necə işləyir?
Bir neçə il əvvəl, OPPO tərəfindən “Virtual operativ yaddaş” texnalogiyasını təqdim edilmişdi. Lakin bir neçə il əvvəl bu texnalogiyanın tətbiq edilməsinə uyğun şəraitin olmaması və texniki imkanların zəifliyi səbəbindən istənilən nəticə göstərməməsi həmin planın tətbiqində çətinliklər yaratmışdı. Ötən ilin yaz aylarından Xiaomi-nin üzərində çalışdığı, lakin az sayda modelə tətbiq etdiyi, BBK qrupu daxilində başda OPPO olmaqla digər alt brendlərin bir çoxuna yeniləmələrlə gətirilən və digər istehsalçıların da trendə qoşulması ilə virtual operativ yaddaş özəlliyinə sahib cihazların sayı qat-qat artdı.
Operativ yaddaş və ya daha çox “RAM” adı ilə bilinən mobil cihazlardakı çiplər ən sadə formada, tətbiqləri və tətbiq məlumatlarını, həmin tətbiq aktiv qaldığı müddətdə saxlayıb müəyyən əmrlərin icra edilməsində kömək üçün istifadə edilir. Hal-hazırda həmin tətbiqlərin nə qədər yüksək emal gücü, böyük yaddaş həcmi tələb etdiyini söyləməyə ehtiyac yoxdur. Bu səbəblərdən dolayı, həmin çiplərin prosesin emalı üçün yüksək sürətlərdə iş icra etmə qabiliyyətinə sahib olması və yaddaş həcminin geniş olması vacibdir. Bu problemin qısa yolla həlli isə Virtual Ram texnologiyasıdır.
Bu texnologiya yenidir.
İstifadəçi tələbləri artdıqca xüsusilə köhnə nəsil üst seqment cihazlarda operativ yaddaşın yetərsizliyi, çoxsaylı tətbiqlərin açıq saxlanıla bilməməsi ilə bağlı bəzi arzu edilməz problemlər yaranır. İlk növbədə istifadəçi təcrübəsini yaxşılaşdırmaq və bu tip problemlərin həlli üçün, firmalar “Virtual RAM” texnalogiyasının üzərində işləyirlər. Göndərilən yeniləmələr ilə birlikdə yaddaşın müəyyən bir hissəsi, istifadəçinin istədiyi qədər (1GB, 3GB, 5GB, 8GB və.s fərqlilik göstərir) operativ yaddaş funksiyasının icra edilməsi üçün ayrılır. Bəli, çox gözəl görünür, lakin göründüyü qədər də mükəmməl olmadığını deyə bilərik.
İlk növbədə Virtual Ram texnologiyası, daha yüngül proqramların icra edilməsində effektivdir. Yüksək emal gücü tələb edən işlərin görülməsində, oyunların oynanılmasında istifadə edilməyəcəkdir. Çünki yaddaş çipləri bunun üçün nəzərdə tutulmayıb və prosesin icra edilməsində operativ yaddaş çipi kimi performans göstərə bilməz. Üstdə yüksək emal gücü və xüsusilə üst seqment cihazlardan danışmışdıq. Bunun da bir səbəbi var. Yüksək oxuma-yazma sürətinə sahib yaddaş çipləri (UFS 3.1, UFS 3.0 tipli yaddaş texnologiyası) əsasən məhz həmin üst seqment cihazlarda işlədilir.
Təbii ki, firmalar digər seqmentlər üçün nəzərdə tutulmuş cihazlara da bu yeniliyi göndərir, amma həmin aşağı səviyyəli və ya daha köhnə cihazlarda yaddaş çipinin oxuma-yazma sürəti də xeyli aşağı olacağından “Virtual operativ yaddaş” ciddi bir təsir göstərməyəcəkdir. Cihazın yelun performansı bəlkə biraz artacaq, lakin bu təsir çox da hiss edilməyəcəkdir.
