Remote işləmək pandemiyadan öncəki zamandə bir növ yenilik olsa da günümüzdə artıq bir çoxumuzun həyat tərzinə çevrilib. Xüsusilə də texnologiya sahəsində çalışan insanlarda bu son dərəcə aktualdır. Remote işləməyə yeni başlayanlar ilk başlarda Ailə-İş döngüsünü idarə etməkdə çətinliklər çəksə də artıq bunu iş tərzi olaraq qəbul etməyi bacarıblar.
Peşəkarların çox böyük hissəsi remote işləmək tərzinə o qədər öyrəşiblər ki, rəhbərliklər standard iş rejiminə keçməyi tələb etdiyi zaman işdən ayrılmaqdan belə çəkinmirlər. Covid-19 pandemiyasının son ərəfəsində dünyada 4000 fərqli şirkətdən 10 milyona yaxın əməkdaş sadəcə bu səbəblə ayrıldı və bu hadisə “böyük istefa dalğası” adı ilə tarixdə qaldı. ABŞ-da aparılan araşdırmalara görə işdən ayrılanların sayı keçən il 4.4 Milyon ilə rekord səviyyəyə yüksəldi. Əlbəttə ki, bu rəqəmin arxasında bir-birindən fərqli səbəblər var, amma üstdə bəhs etdiyimiz uzaqdan iş rejimindən “möhkəm yapışanların” da bunda rolu danılmazdır.
Xüsusilə texnologiya sahəsində peşəkar kadr çatışmamazlığı yaşanan günümüz dünyasında şirkətlər seçim arasında qalırlar. Peşəkar kadrlarla yoluna davam etmək istəyən şirkətlər şübhəsiz ki, remote iş rejimini yeni standard olaraq qəbul etməlidirlər. Remote iş rejimi şirkətlər üçün sadəcə peşəkar kadrları əldə tutmaq üçün deyil, eyni zamanda onların produktivliyini artırmaq üçün əlverişli fürsətdir. Belə ki, remote iş rejimində olanlar ofisdə olduğundan daha produktiv nəticələr göstərirlər.
Remote işləmək üçün 5 səbəb
- Daha yaxşı iş-məişət tarazlığı.
Remote işləyənlər bunun tanıdığı sərbəstlik səbəbilə daha az stresli olduqları üçün daha yaxşı iş-məişət tarazlığı qura bilirlər. Təcili olan şəxsi məsələlərlə maraqlana bilirlər, həkim rezervasiyası edə bilirlər və ya ailə üzvləri ilə yaxından maraqlana bilirlər. Həmçinin ən əsası bütün bunları işlərində gecikmə olmadan edirlər. Halbuki bütün bunları etmək ofis iş rejimində demək olar ki, mümkünsüzdür. - Daha yüksək məhsuldarlıq.
Bilinən düşüncənin əksinə birçox insan işə gedib-gəlməyin və ofisdə keçən boş zamanların ləğv olunması sayəsində öz işlərinə daha çox zaman ayıra biləcəklərini anladı. Bəzən isə remote işləmək işlərin idarə olunmasını həddindən artıq asanlaşdırdı və bununla da məhsuldarlığın artmasına səbəb oldu. Digər bir yandan remote işləmək insanlar arasında əlaqə qurmağı da asanlaşdırdı. Bu isə daha sürətli qərar alma və hərəkətə keçmə imkanı yaratdı. - Xərclərə qənaət fürsəti.
Remote iş rejiminin şirkətlərə gətirdiyi ən böyük faydalardan biri ofis tutmaq və digər bənzər xərclərdən azad olmaqdır. Ofis xərcləri şirkətlərin əsas sabit xərclərindən biridi. Bu kimi xərclərdən qurtulmaq şirkətə fayda verən yeni sahələrə yatırım etmək fürsəti yaradacaqdır. Remote rejimi öz təsirini sadəcə maddi olaraq deyil, geoloji olaraq da göstərir. Ümumi olaraq ofisdən işləmək böyük şəhərlərdə daha çox hərəkətliliyə və daha çox karbon emissiyası artımına səbəb olur. Remote iş tərzini seçərək qarşıdan gəlməkdə olan ağıllı şəhər konseptinə fayda vermiş olacaqsınız. Ayrıca ofisə gəlib getməmək daha az insan təmasına və xəstəliklərin yayılmamasına səbəb olacaqdır. - Sosial fayda.
Uzaqdan işləmək rejimini çox uzaqda olan peşəkar kadrları cəlb etmək üçün də istifadə edə bilərsiniz. Hansı ölkədə yaşamağından asılı olmayaraq canlı təmasa ehtiyac duymadığı üçün şirkətinizi peşəkarlarla gücləndirə biləcəksiniz. Yəni işə alım zamanı daha çox seçim etmə şansınız olacaq. Fiziki qüsuru olanlar ofis işi tapmaqda çətinlik çəkə bilərlər. Remote iş rejimi fiziki qüsuru olanlara digər hərkəs üçün olduğu kimi iş imkanı verəcək. - Hər mənada daha sağlam bir sistem.
Əməkdaşlarınız xoşbəxtdirsə və daha disiplinli həyat sürürsə, əqli və fiziki olaraq daha sağlam olurlar. Unutmamaq lazımdır ki, əməkdaşlar şirkətin bir parçası olmaq xaricində həmdə şəxsiyyətdirlər. Nəticə etibarilə biznesinizin davamlı və uğurlu olması olması üçün ən önəmli faktora fokuslanmalısınız. Və biz bu faktorun əməkdaşların rifahı olduğunu düşünürük.
Son olaraq sizə bir deyimi xatırladaraq məqaləni bitirmək istəyirik: “Xoşbəxt əməkdaş müştərini xoşbəxt edər. Xoşbəxt müştəri isə biznesinizi xoşbəxt edər”
