Bu gün alimlər enerji probleminin yaşıl enerjiyə keçid ilə həll ediləcəyini iddia etsə də, bu addım dünyada metal qıtlığına səbəb ola bilər. Yeni hesabata görə ətraf mühitə zərərsiz olan yaşıl enerji texnologiyalarından istifadə etmək bir çox yeni problemlər meydana gətirə bilər. Belə ki, Enerji Keçid Komissiyası və ya ETC litium, nikel, qrafit, kobalt və digər vacib metalların qiymətinin yüksələcəyi barədə xəbərdarlıq edib. Məhz bu səbəbdən də, komissiya yaşıl enerji texnologiyalarına daha tez keçid etməyin vacibliyini vurğulayıb.
Ümumiyyətlə dünyanın bir çox ölkəsi bu gün yaşıl enerjiyə keçid üçün hazırlıqlara başlayıb. Lakin bu zaman bir çox ölkə, şirkət metal istifadə etdiyi üçün litium, nike, qrafit, kobalt, neodimium, mis kimi metallar azalır. Bu isə öz növbəsində metal qıtlığına yəni qiymətlərin artmasına səbəb olur. Əgər bu proses belə davam edərsə dünyada 2050-ci ilə qədər sıfır karbon emissiyasılı enerji mənbələrinə keçid etmək təxirə salına bilər. Hesabatlara görə dünyanın bütövlükdə yaşıl enerji istifadə etməsi üçün 20 il ərzində mədənlərdən metal çıxarılmalıdır. Lakin son illərdə mədən sahəsinə kifayət qədər investisiya edilmədiyi üçün onların çıxarılması gecikir. Yəni insanlar metaldan istifadə etsə də, onları mədəndən hasil etmirlər. Bu isə getdikcə dünyada metal qıtlığının yaranmasına səbəb olur.
Hesabata görə son 20 ildə metalların çıxarılması üçün 45 milyard dollar investisiya qoyulub. Lakin sənayənin təmiz enerjiyə keçid ilə ayaqlaşması üçün bu rəqəm 2030-cu ilə qədər 70 milyard dollar olmalıdır. Bütün bunlara baxmayaraq hələdə yaşıl enerji və ya təmiz enerjiyə keçid etmək üçün ümüd var. Əgər dünyada bütövlükdə yaşıl enerji istifadə olunursa, karbon emissiyasının göstəricisi əhəmiyyətli dərəcədə azalar.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
