Hər səhər və ya hər gün demək olar ki, tıxacda qalırıq. Bəs bunun mənzil başına çatmağımıza təsirindən əlavə sağlamlığımıza da mənfi təsir etdiyini bilirdiniz mi? Belə ki, aparılan araşdırmalara görə tıxacda qalmaq sağlamlığa da mənfi təsir edir. Vaşinqton universitetinin tədqiqatçıları tərəfindən araşdırmada məlum olub ki, tıcaxda qalmaq, bir günə qədər qan təzyiqinin artmasına səbəb olur. Maraqlısı budur ki, bu faktorun stress ilə heçbir əlaqəsi yoxdur. Tıxacda qalan insanların sağlamlığına ən çox təsir edən faktor avtomobillərdən çıxan tüstülərdir.
Yaşları 22-45 arasında olan 16 nəfərin iştirak etdiyi tədqiqatda, elm adamları HEPA filtrli avtomobildə gəzinti ilə müqayisədə adi bir avtomobildə gəzintidən sonra qan təzyiqinin 4,5 mmHg yüksək olduğunu müəyyən etdilər. Mütəxəssislərin fikrincə, bu, bədəndə mayeni saxladığı və təzyiqi yüksəltdiyi məlum olan yüksək natriumlu pəhrizin təsiri ilə müqayisə edilə bilər. Habelə HEPA filtr olmayan avtomobillərdə səyahət edən və tıxacda qalan sürücülərdə anormal qan təzyiqi səviyyəsi 24 saat davam edib.
Ümumiyyətlə böyük şəhərlərdə çirkli havanın olması artıq hərkəsə məlumdur. Hətta bu yaxınlarda bununla bağlı da araşdırma aparılmışdı. Yekunda isə məlum olmuşdu ki, iri şəhərlərin havasında ən təhlükəli zərərli hissəciklər mövcuddur. Onların diametri təxminən 100 nanometrdir ki, bu da sağlamlıq üçün mənfi təsirlərə səbəb olmaq üçün kifayətdir. Bu araşdırmada havadakı ultra incə hissəciklərin səviyyəsi aşağı idi, lakin HEPA filtrləri onların demək olar ki, bütün izlərini avtomobilə girməzdən əvvəl aradan qaldırmağı bacarıb. Bu isə bir daha HEPA filtrlərin önəmini bizə sübut edir.
