Limitsiz termonüvə enerjisi əldə etmək üçün bu dəfə nəhəng bir addım atılır. Belə ki, 150 milyon dollar dəyərində olan bu yeni obyekt, termonüvə enerjisinə nail olmaq üçün 7 petawatt gücündə lazerlər işə salacaq.
Alimlər Yerdə Günəşin enerjisini istehsal edən birləşmə prosesini təqlid etməyi və beləliklə, qeyri-məhdud və davamlı enerji mənbəyinə çıxış əldə etməyi hədəfləyirlər. İndi atom nüvələrini birləşdirərək böyük miqdarda enerji hasil edən Termonüvə üçün yeni bir qurğu yaradılır. Karbon emissiyası yaratmayan və təhlükəsiz enerji mənbəyini təmin edəcək bu üsulun həyata keçirilməsində lazer texnologiyasının əsas rol oynaya biləcəyi düşünülür.
Ümumiyyətlə, bu yaxınlarda Kolorado Dövlət Universitetində (CSU) 150 milyon dollarlıq nəhəng lazer tədqiqat obyektinin təməli qoyulmuşdu. 2026-cı ildə açılması planlaşdırılan bu obyekt lazerlərdən istifadə edərək termonüvə reaksiyalarını həyata keçirməyi hədəfləyir. ATLAS (Tətbiqlər və Elm üçün Qabaqcıl Texnologiya Lazerləri) adlanan bu yeni qurğu 40 illik lazer tədqiqatının məhsulu kimi həyata keçirilir. ABŞ Energetika Nazirliyi bu layihəyə 28 milyon dollar töhfə versə də, Almaniyada yerləşən startap olan Marvel Fusion da əhəmiyyətli maliyyə vəsaiti ayıraraq, iki yüksək texnologiyalı lazer sistemi satın alıb.
Qeyd edək ki, bu qurğu tamamlandıqdan sonra, termonüvə enerjisi üçün üç lazer sistemini birləşdirə və ümumilikdə 7 petawatt enerji hasil edə biləcək. Qeyd edək ki, bu, ABŞ-ın elektrik enerjisi istehsal gücündən 5000 dəfə çoxdur. Digər tərəfdən, sistem bu enerjini saniyənin 100 katrilyonda biri qədər davam edən impulslarda təxminən insan saçının eni qədər bir sahəyə cəmləyəcək.
