Yer planetinin stratosfer qatında alimlər aşağı tezlikli siqnallar qeydə alıb, lakin onların mənşəi hələlik məlum deyil. Belə ki, Sandia Mili laboratiyasının alimləri stratosferdə tədqiqat apararkən maraqlı hadisə ilə qarşılaşıblar. Stratosferə aşağı tezlikli siqnalları aşkar edə bilən balonlar göndərən alimlər təəccüblü şəkildə siqnallar aşkar edə biliblər. Alimlər 20 Hz tezliyində və təxminən 50 millimetrlik artımlarla dəfələrlə infrasəs siqnalları aşkar ediblər. Qeyd edək ki, stratosferdə külək yoxdur və hava kütlələri bu qatda heç bir hərəkət etmir. Məhz bu səbəbdən də alimlər müəmmalı siqnalların səbəbini aşkar edə bilməyiblər.
Sandia laboratoriyasının tədqiqatçıları yerdən 50 km yüksəkliyə çata bilən günəş enerjisi ilə işləyən şarlar vasitəsi ilə bu siqnalları aşkar edə biliblər. Ümumiyyətlə Stratosfer təbəqəsi atmosferin çox nazik təbəqəsidir. Qeyd edək ki, bu təbəqədə təyyarə mühərriklərinin səsini, külək türbinləri, partlayışlar və göy gurultusu kimi səsləri eşitmək mümkündür. Lakin Stratosfer qatında aşkar edilən aşağı tezlikli siqnallar sadaladığımız proseslərin heç biri ilə əlaqəli deyil. Alimlər məhz bu siqnalların mənşəini tapmağa çalışır. Belə kİ, alimlər maraqlı hadisənin şahidi olduqdan sonra daha çox balonu stratosferə göndərib. Onlar ümid edirlər ki, yaxın günlərdə aşağı tezlikli siqnallar ilə bağlı daha çox məlumat əldə edəcəklər.
Əslində alimlər günəş enerjisi ilə işləyən balonları stratosfer təbəqəsini başqa məqsəd üçün göndərmişdi. Belə ki, onlar balonların Venera ətrafındakı kosmik gəmi ilə birlikdə işləyə biləcəyini öyrənmək üçün testlər aparırdı. Lakin testlər zamanı Stratosfer təbəqəsində aşkar edilən aşağı tezlikli siqnallar məqsəddən kənara çıxmaqlarına səbəb oldu. Balonlar hal-hazırda stratosferdə hərəkət edir və alimlər balonları GPS vasitəsi ilə müşahidə edirlər.
