Bəzi Tesla elektromobili istifadəçiləri Kaliforniya ştatında proqram yenilənmələri Tesla modellərinin batareya ömrünü azaldır iddiası ilə məhkəməyə müraciət edib. Belə ki, Tesla istifadəçiləri bunun dövlət qanunlarını pozduğunu iddia edərək, təzminat tələb ediblər. Hətta onlar iddia edir ki, proqram yenilənmələri elektromobillərin batareya ömrünü 20% azaldır. Bəzi Tesla istifadəçiləri isə yenilənmələrdən sonra məcbur olub batareyaları yeniləyir. Bildiyimiz kimi, Tesla şirkəti davamlı olaraq elektromobilləri üçün yenilənmə təklif edir. Bunun üçün isə istifadəçilər sadəcə internetə qoşularaq yenilənməni həyata keçirir. Lakin bu yenilənmələr istifadəçilər arasında mübahisəyə də səbəb olur. Onlarda bir qismi yenilənmələrin elektromobillərin performansına müsbət təsir etdiyini iddia etsə də, bir qismi bunun mənfi nəticələndiyini düşünür.
Məhkəməyə müraciət edən istifadəçilər bildirir ki, proqram yenilənmələri Tesla elektromobilləri internet bağlantısına qoşulu olduqda avtomatik həyata keçirilir. Həmçinin bu yenilənmələr elektromobil üçün mənfi təsirlərə səbəb olur. Bu səbəblə də Tesla şirkətinin onların hüquqlarını pozduğunu düşünürlər. Bəzi istifadəçilər iddia edir ki, batareya yenilənmələrini geri almaq üçün 750$ ödəmək məcburiyyətində qalırlar. Hətta 15 min dollar dəyərindəki batareyaları yeniləməyə də məbur olurlar. Lakin bildirmək lazımdır ki, Tesla modellərində yenilənmələr ilə bağlı 2 versiya təklif olunur. Onlardan biri qabaqcıl digəri isə standart versiyadır. Qabacıl versiyada yenilənmələr istifadəçilərin bildirdiyi kimi avtomotik həyata keçirilir. Standart versiyada isə yenilənmələr yalnız istifadəçi icazə verdikdən sonra həyata keçirilir.
Xatırladaq ki, ötən illərdə proqram yenilənmələri ilə bağlı məhkəmədə Tesla şirkəti 1.9 milyon dollar ödəməyə razı olmuşdu. Belə ki, məhkəmədə əsas iddia proqram yenilənmələrinin Model S elektromobilinin batareya gərginliyini müvəqqəti olaraq azaltması idi. Bununla bağlı isə şirkət təzminat ödəməyə razı olmuşdu. İndi isə vəziyyət biraz qəlizdir. Məhkəmənin hansı qərarı verəcəyi hələlik məlum deyil.
