İnsan övladı dünya xaricində tədqiqatlarını dayanmadan davam etdirir. Lakin yaşadığımız dünyanın dərinliklərini hələ də tam öyrənib bitirməmişik. Nəticədə mövcudluğunu bilmədiyimiz onlarla, yüzlərlə, bəlkə də minlərlə fərqli canlı ilə bir dünyada yaşayırıq. Müxtəlif mənbələrdə fərqli rəqəmlər qeyd etsə də deyə bilərik ki, dünya okeanın təqribi 1/4-lik hissəsini kəşf etmişik. Bu da böyük bir qismi sulardan ibarət olan dünyamız üçün çox kiçik bir rəqəmdir. Ona görə də tədqiqatçılar dərin sularda daim araşdırma aparmaqla məşğuldurlar. Bu tədqiqatlar öz çətinliyi ilə fərqlənsə də yeni tapıntılar elm üçün çox vacibdir. Belə ki, sakit okeanın 3 km dərinliyində qəribə görünüşlü, bu vaxtadək heç vaxt görülməmiş yeni canlı növü aşkarlanıb. Bu tapıntıya tədqiqatçılar Solumbellula sea pen adını veriblər.
“Solumbellula sea pen” heyvana bənzəsə də, əslində bitki ola bilər
Öz qəribə və vahiməli görünüşü ilə fərqlənən canlı Nautilus sualtı kəşf aparatı ilə aşkarlanıb. Həmin kəşfiyyatı həyata keçirən komanda bir neçə gün əvvəl “heyrətləndirici kəşf” başlığı altında bir tvit ataraq yeni canlının videosunu YouTube üzərindən yayımlayıb. Okeanın tam olaraq 3 km dərinliyində qeydə alınan bu canlı ilk baxışdan meduzaya (dəniz anası) bənzəsə də yaxından baxdıqda bir xeyli fərqləndiyini görmək mümkündür. Solumbellula sea pen adı verilən canlını alimlər dəniz lələyi sinfinə yerləşdirməyi məntiqli görüblər. Lakin bu qədər böyük dəniz lələyi nümayəndəsi indiyə qədər aşkarlanmadığı üçün, düzgünlüyü biraz şübhə doğurur.
Solumbellula sea pen adlı canlının uzunluğu təxminən 2 metr təşkil edir. Uzun və nazik kökü ilə okean tabanına bağlanır. Digər bir qəribəlik isə bu tipdə canlının Sakit Okean üçün spesifik olmamasıdır. Normalda Hind və Atlantik Okeanlarında buna uzaqdan bənzəyən, amma dəfələrlə kiçik canlılara rastlamaq olur. Dəniz lələkləri sinfi həm mərcanları, həm meduzaları (dəniz anası) əhatə edən geniş bir bölmə olduğundan böyük bir ehtimalla ümumi sinifləndirmədə doğru aparılıb. Okeana uzanan köklərini ilk şəkildən görməsəniz bitki yox, hansısa dəniz heyvanı olduğunu düşünərsiniz. Lakin uzaqdan baxdıqda, sanki kökünə görə bitki olduğu təsdiqlənir.
Tədqiqatçılar Solumbellula sea pen adı verilən canlının nə olduğunu dəqiq bilmədikləri üçün araşdırma davam edəcək. Eyni zamanda bu kimi yeni canlıların kəşf edilməsi fəaliyyəti irəliləyən vaxtlarda genişləndiriləcək.
