Bu qənaətə Melburn Universitetinin alimləri Monaş Universiteti və London Şəhər Universitetinin həmkarları ilə birlikdə gəliblər. Onlar mavi işıq filterləyən eynəklər üzərində 6 fərqli ölkədən 17 nəşr olunmuş araşdırmanı tədqiq edib və həmçinin öz təcrübələrini həyata keçiriblər.
Təcrübədə bir gündən beş həftəyə qədər müxtəlif müddətlərdə 5 ilə 156 nəfərdən ibarət müxtəlif qruplar iştirak edib. Əldə edilən nəticələrə əsasən alimlər belə qənaətə gəliblər ki, reklam iddialarının əksinə olaraq belə eynəkləri həqiqətən çox da effektiv adlandırmaq olmaz.
Gözlərimizin kompüter ekranları kimi süni mənbələrdən aldığı mavi işıq miqdarı, təbii gün işığından əldə etdiyimizin mində bir hissəsidir. Üstəlik onu da qeyd etmək lazımdır ki, mavi işığı süzən eynəklər adətən ekrandan gələn işığın təqribi 10-25 faiz hissəsini kəsir. Daha yüksək səviyyələrdə fiterləmək üçün isə effektiv bir kəhrəba rəngli obyektiv tələb olunur ki, bu da rənglərin anlaşılmasında ciddi bir təsir göstərir. İstifadəçi ekrana baxarkən tam dəqiqliklə rəngləri anlamaqda çətinlik çəkir.
Tədqiqatçılar həmçinin əlavə ediblər ki, ətraflı araşdırma daha uzun müddət ərzində aparılan geniş miqyaslı araşdırma tələb edir. Bəlkə də o zaman mavi işıq filterləyən eynəklərin real potensialını üzə çıxarmaq və onların ümumi göz sağlamlığına, yuxu keyfiyyətinə və ya görmə qabiliyyətinə təsirini aşkara çıxarmaq mümkün olacaq. Lakin faktiki olaraq belə eynəklərin böyük bir hissəsi yalnız reklam ilə şişirtmədən ibarətdir.
