WhatsApp tətbiqi mətnlərın yazılmasının çeşidlənməsi ilə bağlı yeni imkanlar qazanır. Hazırda qalın, kursiv və ya üstü xətt kimi formatlaşdırma variantları təklif edən WhatsApp, daha 3 yeni formatlaşdırma növü və ya mətn seçimləri dəstəkləyəcək. Belə ki, bu barədə məlumat məşhur mənbələrdən olan WABetainfo tərəfindən verilib.
Dünyanın ən məşhur messencer tətbiqlərindən biri olan WhatsApp ilə bağlı əhəmiyyətli kimi görünən lakin heç kimin aktiv istifadə etməyəcəyi bir yenilikdən söhbət gedir. Tərtibatçılar tərəfindən test mərhələsində olan mesajlar üçün mətn seçimləri yenilik kimi yaxın vaxtlarda yayımlanmalıdır. WhatsApp-ın masaüstü beta versiyasında məhdud istifadəçi bazası ilə sınaqdan keçirilən yeni funksiya, mətnlərinə format əlavə etmək istəyən istifadəçilərə bəzi kodlar təklif edir.
Hələlik ortaya çıxan məlumata görə, WhatsApp-ın yeni mətn formatlama seçimlərindəki “kod blokları” mətnin proqram kodlarına uyğunlaşdırılacaq. Məsələn, yazdığınız mətn, verdiyiniz komandaya uyğun mətn çərçivəsinə daxil ediləcək. Sitat mətni seçimi istənilən sitatın sol tərəfdəki çubuqla göndərilməsinə imkan verəcək. WhatsApp tərəfindən bu funksiyanın üzərində işləndiyi barədə heç bir açıqlama verilməyib. Sınaq prosesi başa çatdıqdan sonra WhatsApp-ın yeni formatlama seçimləri təkcə masaüstü versiya üçün deyil, həm də mobil versiyalar üçün əlçatan olacaq.
