Tarixdə ilk dəfə olaraq Mars atmosferi yer planetinin qütb işıqları kimi yaşıl rəngə bürünüb. Qeyd edək ki, bu hadisəni marsın ətrafında dövrə vuran və araşdırmalar aparan ESA-a məxsus kosmik cihaz təsbit edib. Alimlər Marsın bu “gecə parıltısı”-nı ilk dəfə olaraq real olaraq müşahidə ediblər. Qeyd edək ki, bu hadisəni müşahidə edərkən Avropa Kosmik Agentliyinin(ESA) ExoMars Trace Gas Orbiter adlı kosmik cihazından istifadə olunub.
Ümumiyyətlə bu gün yer planetində də oxşar hadisələr baş verir. Belə ki, biz bunu hazırda qütb parıltısı, qütb işıqları adlanırırıq. Maraqlısı budur ki, gələcəyin Mars tədqiqatçıları qırmızı planetin qütb bölgələrində oxşar hadisəyə şahid olacaqlar. Beləliklə Mars atmosferi də yer planeti kimi yaşıl rəngə bürünür. Qeyd edək ki. bu parlaq işıq qaranlıq Mars gecələrində insanların görmə qabiliyyətini təmin edə bilər. O cümlədən roverlərin naviqasiyası da bu parıltılar sayəsində mümkün ola bilər. ESA bildirir ki, bu hadisə ilk baxışdan Yerdəki qütb işıqlarına bənzəsə də, müxtəlif səbəbləri olan fərqli hadisədir.
Avropa Kosmik Agentliyi bildirir ki, qütb parıltısı iki oksigen atomunun birləşərək oksigen molekulu əmələ gətirməsi ilə baş verir. Hətta marsda oxşar hadisə 50 km yüksəklikdə baş verdiyi halda, Yer planetində şimal işıqları Günəşdən gələn yüklü hissəciklərin Yerin maqnit sahəsi ilə toqquşması nəticəsində 80 km və daha yüksək hündürlüklərdə baş verir. Əslində elm adamları təxminən 40 ildir ki, Marsda hava parıltısından şübhələnirdi. İndi isə ilk dəfə olaraq Mars atmosferində bu hava parıltıları təsbit edilib.
