James Webb Kosmik Teleskopu ilk dəfə olaraq ekzoplanetin birbaşa təsvirini çəkib. Ekzoplanetin nə olduğunu bilmirsinizsə, qısaca günəş sistemimizdən kənarda yerləşən ulduz və ya ulduz ətrafında fırlanan bir planetin nəzərdə tutulduğunu qeyd edə bilərik. Son dərəcə əhəmiyyətli hadisə kimi qələmə verilən əsər James Webb teleskopunun istedadlarını bir daha ortaya qoyur. Digər tərəfdən, ekzoplanet təsvirinin son dərəcə çətin və nadir baş verməsi gələcəkdə Webb teleskopunun bu şəkildə daha çox istifadə edilməsinin mümkünlüyünü təsdiq edir.
Günəş sistemindən kənarda başqa bir ulduz ətrafında fırlanan planetlər olduğu deyilən ekzoplanetlərdən indiyə qədər təxminən 5000 ədədi kəşf edilib və təsdiqlənib. Bu kəşflərin demək olar ki, hamısı öz ulduzlarının qarşısından keçərkən bizə gələn işığın təhlili ilə müəyyən edilmişdir.
Belə ki, Webb öz müşahidəsində “HIP 65426 b” adlı ekzoplanet şəklini çəkmək üçün dörd fərqli filtrdən istifadə edib. Yupiterdən təxminən 6-8 dəfə böyük olan ekzoplanetin yaşı təqribi 15-20 milyon ildir. Yer kürəsinin təqribən 5 milyard il olduğunu nəzərə alsaq, bu planet hələ həyatının “cavan yaşında” olduğunu deyə bilərik.
Ulduzun ətrafında fırlanan bir planeti görmək üçün ulduzdan gələn işığı hansısa üsulla bloklamaq lazımdır. Çünki, ulduz planetdən qat-qat parlaqdır və nəticədə ona baxmağı son dərəcə çətinləşdirir. James Webb teleskopunda bu problemi həll etmək üçün koronaqraf adlı aləti var. Bu yolla ulduzun işığı zəiflədilir və əldə edilən təsvirin işlənməsi ilə daha ətraflı planet fotoşəkili əldə edilir.
Tədqiqatçılardan biri olan Aarynn Carter qeyd edir
Məncə ən maraqlısı odur ki, biz yeni başlayırıq. Fizika, kimya və onların ümumi formalaşması haqqında anlayışımızı yenidən formalaşdıracaq daha çox ekzoplanet şəkilləri var. Hətta əvvəllər məlum olmayan planetləri də kəşf edə bilirik.
Düşüncələrinizi rəylərdə qeyd edərək bizimlə bölüşə bilərsiniz.
