Alimlər Günəşin nəhəng dəliyinin birbaşa Yerə yönəldiyini təsdiqləyiblər. Belə ki, günəşin atmosferindəki nəhəng dəlik, günəş küləyini dayanmadan birbaşa Yer planetinə doğru sovurur. Qeyd edək ki, bu yaxınlarda Günəşin ekvatoru yaxınlığında tac dəliyi kimi tanınan nəhəng qaranlıq bölgə yaranıb. İndi isə həmin dəlikdən yerə doğru qeyri-adi sürətlə günəş küləyi əsir. Maraqlısı budur ki, bu qaranlıq bölgəyə 60 Yer planeti də sığa bilər. İndi radioaktib yüklü şüalar qeyri-adi sürətlə planetimizə doğru gəlir.
Alimlərin fikrində 60 Yer planeti genişliyində olan bu dəliyin Günəş dövrünün bu mərhələsində misli görünməmişdir. Məlumatlara görə, Günəşdəki bu tac dəliyi kimi tanınan nəhəng qaranlıq bölgə dekabrın 2-də Günəşin ekvatoru yaxınlığında əmələ gəlib və 24 saat ərzində maksimum eninə təxminən 800.000 kilometr-ə çatıb. Habelə Günəşdəki nəhəng “dəlik” dekabrın 4-dən birbaşa olaraq Yer planetinə yönəlib.
Tac dəliyi nədir?
Bilməyənlər üçün qeyd edək ki, Günəşin ən xarici təbəqəsi tac adlanır. “Tac dəlikləri” demək olar ki, açıq maqnit qüvvə xətləri olan sahələrdir, buradan yüklü zərrəciklər Günəş tacını asanlıqla tərk edir və sürətlə planetlərarası fəzaya yönəlir, maqnitosferlə qarşılıqlı təsirdə olur və onu həyəcanlandırır. Tac dəliyi bir neçə gün ərzində radio dalğalarının zərər görməsinə və ya güclü şimal işıqlarının yaranmasına gətirib çıxara bilər. Bununla belə, Spaceweather.com-un məlumatına görə, günəş küləyi gözləniləndən daha az intensiv olduğu üçün yaranan fırtına indiyə qədər G1 səviyyəsindədir.
NOAA mənbəsinə görə, tac dəliklərindən gələn radiasiya axınları adi günəş küləyindən daha sürətlidir və tez-tez geomaqnit qasırğaları ilə Yerin maqnit qalxanında pozulmalara səbəb olur. Günəş aktivliyindəki bu artımlar, əsasən günəş maksimumunun astanasında olduğumuzun əlamətidir. Oktyabr ayında elm adamları günəş dövrü ilə bağlı proqnozlarına yenidən baxıblar və indi son mərhələnin 2024-cü ildə başlaya biləcəyini proqnozlaşdırıblar.
