Dünyanın ən heyrətləndirici tikililərdən biri kimi yanaşılan Giza piramidalarının necə tikildiyi uzun müddətdir elm dünyasını xeyli düşündürür. Müxtəlif zamanlarda, müxtəlif tədqiqatlar aparılaraq, müxtəlif fərziyyələr ortaya atılıb. Lakin iddia edilən fikirlərdən heç biri axtarılan suallara məntiqli cavabı tapmağa kömək olmayıb. Fransanın tədqiqatçı komandası Çin və Misirdən olan başqa tədqiqatçılar ilə birlikdə bu dəfə piramidaları yox, piramidaların ətrafındakı qaya təbəqələrini və ərazini təhlil etmək qərarı alıblar. Nəticədə çox maraqlı bir fakt ortaya çıxıb.
Nil çayı Giza piramidalarının tikildiyi dövrdə nəhəng Xufu qoluna sahib olub
Tədqiqatlar nəticəsində Nil çayının eramızdan əvvəl 600-cü ildə mövcud olan və çoxdan itirilmiş qoluna aid qalıqlar aşkarlanıb. Araşdırma komandası bu tədqiqat üçün ərazidə 8000 illik axar su dəyişikliklərini yenidən simulyasiya edən, bitki örtüyü modellərindən istifadə edib. Flüvial proses ilə (səth sularının fəaliyyəti ilə su-eroziyası və.s) aşınmış çöküntülərin axan su tərəfindən aparılaraq müəyyən yerlərə daşındığına dair izlər tapılıb. Komanda eyni zamanda bataqlıq bitkiləri, yumşaq nəm torpaqlarda və göl sahillərində böyüyən su bitkiləri ilə bağlı detallara baxıb. Müəyyən edilib ki, Xufu qolu kifayət qədər uzun müddət ərazidə yüksək səviyyədə mövcudluğunu qoruyub. Beləliklə bütün bunlar bizim üçün Giza piramidalarının necə tikildiyi ilə bağlı ciddi ip ucu verir.
Tədqiqatçıların fikrincə piramidaların yanından keçən Nilin məhz bu qolu 4000 il əvvəl ağırlığı təqribi 20 tona çatan nəhəng daş blokları təqribi 800 Km uzaqdan daşımağa imkan verib. Üstəlik bu tapıntı Nildən istifadə edən və piramidalar üçün Qırmızı dənizdən keçmiş qayıqları təsvir edən papirus mətnlə də dəstəklənir.
Nilin itkin Xufu qolu ilə bağlı tapıntıda heç bir problem yoxdur. Lakin yenə də minimum 2-2.5 tonluq daşların o dövrün “qayıqları” ilə çayda daşınması çox çətin görünür. Eyni zamanda bu daşları üst-üstə qaldırmağın daha da ağır bir iş olduğunu düşündükdə, bəlkə də həqiqətən nəhəng sallarla bu işin öhdəsindən gəlməyi bacarıblar. Əks halda 700-800 Km uzaqlıqdan ağır daşların daşınmasına heç bir məntiqli açıqlama fərz etmək mümkün deyil.
Mövzu barədə siz nə düşünürsünüz? Fikirlərinizi rəylərdə bizimlə bölüşə bilərsiniz
