Harvard tələbələri Meta şirkətinin yeni Ray-Ban eynəklərindən istifadə edərək şəxsiyyəti aşkar edən yeni layihə hazırlayıblar. Belə ki, onlar şəxsiyyəti aşkar edə bilməsi üçün süni intellektdən də istifadə edirlər.
İki Harvard tələbəsi Meta şirkətinin Ray-Ban smart eynəklərindən istifadə edərək insanların şəxsiyyət məlumatlarını anında ortaya qoyan layihə həyata keçirib. Yeni emo üz tanıma texnologiyası və ictimai verilənlər bazaları ilə mövcud texnologiyanın təhlükləli məqsədlər üçün istifadə edilmə bilməsi isə hər kəsi narahat edir. AnhPhu Nguyen və Caine Ardayfio, I-XRAY adlı inkişaf etdirdikləri texnologiya ilə Instagram-da Meta eynəklərinin canlı yayım xüsusiyyətindən istifadə edirlər. Süni intellekt bu canlı yayımlarda üzləri müəyyən edir və ictimai verilənlər bazaları vasitəsilə adlar, ünvanlar və telefon nömrələri kimi şəxsi məlumatları tapır. Yəni, süni intellekt Meta eynəkləri ilə şəxsiyyəti məlum etməyi bacarır.
Nguyen və Ardayfionun nümayişi tələbələrin eynək vasitəsilə ictimai nəqliyyatda sinif yoldaşlarını və yad adamları müəyyən etdiyini göstərir. Üz tanıma texnologiyasının dəqiqliyi artıq bizə məlum olsa da, I-XRAY-ın bu texnologiyanı asanlıqla əldə edilə bilən cihazla birləşməsi texnologiyanın sui-istifadə potensialını ciddi şəkildə artırır. PimEyes kimi üz axtarış sistemlərinin geniş istifadəsi bu cür texnologiyaları daha geniş auditoriyaya təqdim edir. Tələbələr layihələrindən zərərli məqsədlər üçün istifadə etməyi planlaşdırmadıqlarını və dərc etməyəcəklərini bildirirlər. Onlar vurğulayırlar ki, məqsəd mövcud texnologiyaların təhlükələrinə diqqət çəkməkdir. Həmçinin onlar bizə bir daha xatırlatmaq istəyirlər ki, insanlar rəqəmsal aktivlərini daha az əlçatan etmək üçün tədbirlər görməlidirlər.
